Ако се уште не се во групата на лица кои на работа одат со велосипед, но размислувате да се приклучите, еве седум причини зошто возењето велосипед е супер за телото и за умот!
Ќе бидете посреќни
Има ли подобар спој од физичката активност и разгледувањето прекрасни пејсажи кои минуваат покрај вас? Оваа вежба смирува, дава време да го “процесуираме“ она што не мачи и ослободува ендорфин и адреналин кои го подигаат нивото на чувството на успех.
Ќе имате фит линија
Ако се обидувате да ослабете, зошто не се обидете со возење велосипед? Во зависност од вашата телесна тежина и брзина со која возите, ќе согорите помеѓу 400 и 1000 калории за еден час.
Ќе имате мускули
Возењето не согорува само масно ткиво, туку гради и онакви мускули какви што сакаме – силни и вретенасти. Возењето велосипед најмногу ги “погодува“ бутовите и мускулите на задникот.
Подобро ќе дишите
Студија спроведена во Велика Британија покажала дека лицата кои возат автомобил всушност себе си се изложуваат на вдишување на поголема количина загаден воздух, од оние кои возат велосипед или пешачат.
Подобра циркулација
Како и бројни останати физички активности, возењето велосипед го зголемува бројот на отчукувања на срцето, го забрзува крвотокот и со самото тоа го намалува ризикот од кардиоваскуларни заболувања.
Подобро е од трчање
На велосипед сте под помало оптоварување и помали се шансите да се повредите, отколку кога џогирате. Бидејќи телото носи помала тежина, возењето велосипед нема негативно да влијае ниту на густината на коските.
Ќе бидете поиздржливи
Оваа физичка активност ја зголемува издржливоста и нивото на енергија, а со самото тоа не прави поздаволни и поотпорни на стрес.
