Го ставаме во чај, на лице, во храна и знаеме дека е одличен за зајакнување и подигање на имунитетот и против настинки. Медот е преполн со нутриенти, антиоксиданти и други состојки кои имаат исцелувачко дејство и носи бројни здравствени бенефити за кои многумина не знаат. Здраво е да се јаде во било каква комбинација, но лажица мед пред спиење исто така има неверојатни ефекти врз организмот. Ова се некои од нив:
Обезбедува добар сон
Медот содржи хранлива состојка која се нарекува триптофан, хормон кој ни помага да се опуштиме и кој му дава сигнал на телото дека е време за спиење. Иако на телото му е потребна оваа аминокиселина, не ја произведува природно. Затоа може да се внесе преку исхраната и тоа консумирајќи производи како медот.
Понекогаш се будиме во сред ноќ. Тоа се случува бидејќи за време на сонот, на мозокот му е потребна состојка која се нарекува гликоген. Гликогенот ги поттикнува надбубрежните жлезди да го исфрлат адреналинот и коритзолот, кои го попречуваат спиењето. Медот содржи гликоген кој го озвоможува ваквиот процес и обезбедува добар сон.
Помага во намалување на крвниот притисок
Со оглед дека високиот крвен притисок е ризик фактор кој допринесува за значаен ризик од срцеви заболувања, одржувањето на умерен и стабилен крвен притисок треба да е приоритет на секој од нас. Медот содржи соединенија на антиоксиданти за кои се покажало дека го намалуваат крвниот притисок.
Ги намалува триглицеридите
Триглицеридите се вид на масти кои се наоѓаат во крвта, а нивното високо ниво го зголемува ризикот за развој на болести на срцето и дијабетес. Медот има природен ефект за нивно намалување.
Го јакне имуниот систем
Медот е богат со антиоксиданти и содржи антибактериски својства кои помагаат во зајакнување на имуниот систем. Консумирајќи лажица мед пред спиење, ќе бидете поотпорни на инфекции предизвикани од микроорганизми, како што се бактерии, габи и бројни вируси.
Помага во побрзо согорување на мастите
Медот го забрзува метаболизмот, создавајќи термоген ефект. Тоа значи дека ја подобрува циркулацијата, која за минимум ја зголемува телесната температура, помагајќи да се согорат маснотиите без многу труд.
Кашлица
Медот е природно противвоспалително средство. Со консумирање на една лажица мед измешана со чаша топла вода, секоја вечер може да се намали иритираното грло и кашлицата. Освен тоа, медот е добар антибиотик кој може да помогне во борбата против било која бактерија што ќе го нападне грлото.
Помага при депресија
Медот содржи полфеноли, органски хемикалии, кои спротиставувајќи се на оксидативниот стрес во клетките на мозокот, помагаат во борбата против депресијата. Медот помага и за зачувување на менатлното здравје и да се разбудите мотивирани и свежи.
