Овошни и зеленчукови сокови како меѓуоброци
Природните сокови се еден од најефикасните природни напитоци за чистење на телото. Состојките во овошјето и зеленчукот – витамини, минерали, антиоксиданти, како и потребните влакна – го лекуваат организмот.
Водата е најважната течност
Најважно природно средство за чистење на организмот е водата. Таа чини 60 до 70% од телото. Нутриционистите и лекарите не престануваат да напоменуваат често да се пие вода – потребно е да се испијат шест до осум чаши на ден. Доволната количина вода ги помага природните процеси на чистење на организмот. Кожата ќе биде почиста, а вие ќе имате доволно енергија и ќе избегнете дехидрација.
Секојдневно зелен чај
Зелениот чај смирува. Поради антиоксидантите што се содржат во него добро ги чисти организмот.
Лимон
Чистењето на организмот со лимон ја симулира дигестијата и го забрзува прочистувањето. Зелениот лиснат зеленчук го намалува и балансира pH нивото на крвта, неутрализирајќи го влијанието на високите нивоа на шеќер, и поттикнувајќи чистење на телото.
Рибата и месото не се единствени извори на протеини
Се препорачува риба да се јаде два пати во неделата. Колку можете почесто вклучувајте риба во исхраната, како туна, лосос, скуша… Месо јадете повремено,. Обрнете внимание и на начинот на подготовка.
Црвеното месо на висока температура создава токсини кои негативно влијаат на здравјето. Дименото месо и риба се уште еден извор на токсини за организмот. Наместо тоа, консумирајте протеини од млеко, јајца (варени), леблебија, грав, леќа или грашок.
Движете се
Освен здравата исхрана, одличен начин да ја потпомогнете детоксикацијата на организмот е телесната активност, бидејќи ја поттикнува циркулацијата.
