Апнеа е нарушување на спиењето, а пациентите обично престануваат да дишат во текот на спиењето. Ова пореметување е почесто кај мажите и се сретнува кај дури 7 проценти од возрасните, објаснува Дејвид М. Рапопорт, експерт во Здравствениот центар за спиење во Њујорк.
Времето во кое телото не добива доволно кислород, осносно апнеата трае околу 20 до 30 секунди и може да се случи неколку пати во текот на спиењето. До 4 паузи во еден час се сметаат за нормални, но ако се случуваат повеќе од 15, а во тешки случаи до 60 паузи, тогаш имате апнеа, сериозно и опасно пореметување, вели Рапопорт.
Долгорочното нарушување на спиењето е поврзано со несоодветна срцева фрекфенција, хипертензија, па дури и со срцев удар. Раното откривање и дијагностицирање и навремената терапија може да го намалат ризикот од појава на болести.
Сигнали дека можеби боледувате од апнеа се:
Секогаш сте уморни
Уморот е еден од главните симптоми на апнеа. Ако често се чувствувате уморни, не треба да го игнорирате тој знак, посетете доктор, бидејќи тоа може да биде симптом и за други нарушувања и болести.
Гласно ‘рчење
Гласното ‘рчење е уште еден симптом кој силно упатува на апнеа. Дополнително, покрај ‘рчењето, партнерот може да забележи и треперење и борба за воздух во паузите меѓу ’рчењето. Тоа е загрижувачко, а веројатно и нема да го забележите.
Можете да заспиете секаде и во секое време
Тоа може да биде знак на поспаност што укажува на апнеа.
Често сте раздразливи и имате проблеми со меморијата
Честите промени во расположението, проблемите со меморијата и концентрацијата може да бидат знак за проблеми со спиењето.
Денот ви почнува со главоболка
Кога не дишете правилно, вашиот мозок има недостаток на кислород, што предизвикува утрински главоболки.
Се будите ноќе за да мокрите
Ноќното мокрење може да се должи на проблемите со стареење или со простата или поради пиење течности пред спиење, но исто така е и еден од знаците на апнеа.
Се будите со сува уста и грло
Ова не е честа причина за апнеа, но ако се случува речиси секое утро, треба да се консултирате со лекар.
