Научниците од Универзитетот во Лондон спровеле студија над повеќе од 220 000 лица и утврдиле дека оние кои пушат имаат поголеми физички проблеми. Испитаниците биле поделени во три категории: оние кои никогаш не пушеле, оние кои порано пушеле секојдневно и оние кои пушат и понатаму. Научниците учесниците во студијата ги прашале со колкава физичка болка живеат на дневно ниво, на скала од нула до 100.
Сегашните и поранешните пушачи во просек означиле дека за еден до два бода проживуваат повеќе болка од оние кои никогаш не пушеле. Студијата утврдила поврзаност меѓу долготрајното пушење и животот со поголема болка од оние кои никогаш не пушеле. Студијата утврдила поврзаност меѓу долготрајното пушење и животот со поголема болка, дури и после престанувањето со оваа навика.
Клучен наод на оваа студија е дека поранешните пушачи се уште чувствуваат ефект на зголемена болка, заклучок од студијата која ја пренесува Би-би-си.
Научниците засега не можат да објаснат што ја предизвикува поврзаноста на пушењето и искуствата на поголема физичка болка. Една од хипотезите е дека некои од илјадата хемикалии кои се наоѓаат во цигарите предизвикуваат трајно оштетување на ткивата, што резултира со поголема болка.
Друга хипотеза е дека пушењето има траен ефект на хормоналниот систем во телото. Тука е и теоријата според која пушењето е симптом, а не причина. Некои претходни студии покажале дека луѓето кои поинтензивно чувствуваат болка имаат поголема склоност кон пушењето.
