Некои органи почнуваат да стареат мошне рано, додека кај други процесот на стареење им е забавен. Дали знаете дека нашето биолошко стареење е препознатливо прво по кожата, а тоа не се совпаѓа со стареењето на другите органи.
Бели дробови
Почнуваат да стареат веќе со навршени 20 години, што се манифестира со забавено намалување на капацитетот. До 40 година кај некои личности веќе се видливи знаците на губење здив, а се јавуваат заради делумно закрутување на мускулите и ребрата.
Мозок
Мозокот, исто така, почнува да старее на возраст од 20 години, па така од почетните сто милијарди неврони до 40 година губиме и до 10 000 неврони дневно, што влијае на памтењето, координацијата и севкупното функционирање на мозокот. Најголем проблем претставува пропаѓањето на меѓуклеточниот простор, затоа што се оневозможува нормалниот проток на информации на меѓуклеточно ниво во мозокот.
Кожа
Почнува да старее после 25 година, а мускулите го губат тонусот и силата после 30 година.
Гради
Градите на жената почнуваат да стареат со навршени 35 години. Тогаш почнуваат да се намалуваат и да губат на полност, а ареолите околу брадавиците се шират. Од тој момент се зголемува и ризикот од рак на дојка, кој, навистина, не е во директна врска со физичките промени.
Коски и заби
Коските губат на квалитет после 35 година од животот, а забите од 40.
Очи и срце
Очите почнуваат да стареат со навршени 40, токму како и срцето.
Бубрези
Бубрезите и простата почнуваат да стареат од 50 година.
Слух
Слухот почнува да пропаѓа од средината на педесеттите.
Црева
И цревата почнуваат да пропаѓаат од средината на педесеттите години од животот. Од тој момент доколку се здрави обезбедуваат добра рамнотежа меѓу штетните и корисните бактерии. После 55 година нивото на корисни бактерии значително опаѓа, што се препознава по слабото варење и поголемиот ризик од цревни болести.
Сетило за вкус и мирис
Почнува да се губи некаде околу 60 година од животот.
Глас
Гласот почнува да старее после 65, а се препознава по тоа што станува потивок и порапав. Кај мажите станува потенок и повисок, а кај жените понизок.
Бешика
Почнува да старее после 65 година од животот и тогаш почнува неконтролирано да се опушта и стега, дури и кога не е полна, затоа што нејзиниот капацитет станува двојно помал отколку кај младите. Жените на оваа промена се чувствителни, затоа што после менопаузата мочниот канал станува потенок и послаб, па потешко е да се задржи мокрењето.
Црн дроб
Ова е најдолговечниот орган и почнува да старее и пропаѓа после наполнети 70 години.
