Единаесет милиони смртни случаи ширум светот во 2017 година се поврзани со луѓето кои јадат храна богата со шеќер, сол и преработено месо, што придонело за болести на срцето, рак и дијабетес. Истражувањето објавено во медицинскиот магазин Лансет, открило дека меѓу 195 испитани земји уделот на смртни случаи поврзани со исхраната бил најголем во Узбекистан, а најмал во Изарел.
Потрошувачката на поздрава храна како што се јаткасти плодови и семки, млеко и житарки била во просек прениска, а луѓето консумирале премногу слатки пијалаци и преработено месо и сол.
Истражувањето „Global Burden of Disease“ ги следело потршувачките трендови на 15 прехранбени производи во периодот од 1990 до 2017 година.
Крис Мари, директор на Институтот за мерење и проценка на здравјето на Универзитетот во Вашингот, кој го водел истражувањето рекол дека резултатите го „потврдуваат она што многумина го мислеле низ годините“.
„Лошата исхрана е одговорна за повеќе смртни случаи повеќе од кој било друг фактор—ризик во светот. Нашата проценка сугерира дека водечките фактори на ризик во исхраната се внесот на натриум или нискиот внес на здрава храна, како што се житарките, овошјето, јаткастите плодови и семките и зеленчукот“, рекол тој.
Истражувањето покажало дека луѓето јаделе само 12 отсто од препорачаните јаткасти плодови и семки, и пиеле повеќе од 10 пати од препорачаното количество слатки пијалаци. Прехраната богата со шеќер, сол и лоши масти се познати фактори за ризик од срцеви болести, мозочен удар, дијабетес и многу видови рак.
Студијата објавена во јануари годинава покажала дека „идеалната исхрана“ за здравјето на луѓето би требало да вклучува удвојување на консумацијата на јаткастите плодови, овошјето, зеленчукот и мешунките, како и преполовување на внесот на месо и шеќери.
