Проширениете вени се сериозен здравствен проблем, кој може да го отежни секојдневното функционирање на пациентот. Доколку се работи за површинските вени, тогаш заборуваме за суперфицијален (површински) тромбофлебитис, а доколку крвните згрутчувања настануваат во длабоките вени се работи за длабока венска тромбоза.
За да се превенира проширувањето на вените постојат неколку правила кои можат лесно да се применуваат.
Да се избегнува долготрајно седење или стоење
Доколку вашето работно место бара долготрајно седење или стоење, најдете време на секои два часа да ги размрдате нозете. И краткотрајното шетање придонесува многу за здравјето на вените.
Седете правилно
Тоа значи да се избегнува седењето со скрстени нозе. Тоа го отежнува протокот на крв во нозете и доведува до проширени вени. Најдобро е додека седите нозете да се подигнати на 15 до 30 сантиметри.
Избегнувајте високи потпетици
Особено доколку се работи за работно место или за настан во кој ќе има долготрајно стоење треба да се избегнува носењето високи потпетици. Со нив се прави притисок на потколеницата што доведува до проширени вени. Висината на потпетицата не треба да надминува пет сантиметри за да им биде пријатно на нозете.
Редовно прегледувајте ги вените
Истражувањата покажуваат дека секоја трета жена постара од 30 години има проблеми со вените и капиларите на нозете. Проширените вени ја нарушуваат естетиката на нозете и можат да допринесат до сериозни здравствени проблеми. Редовните прегледи треба да се практикуваат особено доколку постојат генетски предиспозиции, дебелина, долгпотрајно седење или стоење, како и при долготрајно користење орална контрацепција.
Паметно бирајте ги чорапите
Иако се наизглед безначаен дел од облеката, чорапите можат многу да му наштетат на здравјето на жените. Чорапите за вени со правилно насочениот притисок на ногата го одржуваат здравјето на венските залистоци, за разлика од модерните чорапи кои вршат притисок обратно од потребите на вените.
