Еден погрешен чекор може во целост да ви го уништи денот и потполно да ви ги „испразни батериите“. Во повеќето случаи кога ќе почувствуваме умор или ќе се изнервираме веднаш посегнуваме по нешто слатко за да се почувствуваме подобро. Вистина е дека навистина се чувствуваме, но…
Она што речиси секогаш го превидуваме е што всушност ќе се случи после консумирањето слатки, па така после некој половина час од наглиот скок на шеќерот енергетски потполно ќе паднете. После тоа ќе бидете уште поуморни и „попразни“ од претходно.
Храната која содржи преработени јаглехидрати (слатки, бел леб, грицки) доведува до брзо зголемување на шеќерот во крвта и моментален скок на енергијата, објаснуваат стручњаците. Меѓутоа колку брзо се кренало нивото на шеќер во крвта, уште побрзо ќе опадне што може да доведе до брз умор и нагло паѓање на енергијата. Но постои нешто што може да се направи за да се одбегнат падовите и растењето на нивото.
Потребно е да се внесуваат сложени јаглехидрати – интегрални тестенини и житарки. Што се однесува до слатките, не треба да се исклучуваат од исхраната, се додека мудро се прави избор. На пример, црното чоколадо со преку 70 отсто какао може да е пожелна опција затоа што консумацијата е поврзана со зголемен серотонин и подобро расположение.
