Иако симптомите на менталните болести е решко да се воочат помага фактот дека се искажуваат во некои од нашите секојдневни навики.
Сакате да бидете сами
Ако одеднаш не сакате да се гледате со драгите луѓе или да учествувате во активности, тоа може да биде симптом на депресија. Психолозите советуваат дека е здраво во некои моменти да се осамите, но ако одеднаш почнете да одбегнувате средби со пријателите или активностите во кои дотогаш сте уживале затоа што едноставно немате енерегија за нив, тогаш би требало да посетите терапевт.
Одбегнувате да одите на работа
Ако инаку по природа сте одговорни, а одеднаш почнувате да доцните, барате боледување или ги одложувате состаноците – посветете внимание. Главно анксиозноста води до игнорирање на секојдневните обврски, а ваквото однесување не е необично ни за депресија.
Трошите премногу пари
Нема ништо лошо во тоа да одите во шопинг или да се почестите со нешто убаво, но претераното трошење пари може да биде симптом на здравствен проблем. На пример, поединец кој без размислување троши една третина од платата на нешто небитно, најверојатно поминува низ манична епизода која е една од главните карактеристики на биполарното пореметување.
Се чувствувате како сите да ве провоцираат
Природно е понекогаш да имате несогласувања со луѓето, но ако тоа се случува секој ден и баш секој пат ги губите нервите и почнувате кавга, знајте дека нешто не е во ред. Ненадеен бес и „краток фитил“ можат да бидат знаци за депресија и биполарно пореметување.
Ентузијастично почнувате нов бизнис
Ова е уште една навика заедничка за луѓето со биполарно пореметување. За разлика од луѓето кои влегуваат во нова работа дури откако добро ќе го истражат теренот, некој кој има пореметување ќе продолжи да вложува во новата работа без оглед на ризиците и последиците. Кога некој е маничен, тој нагло скока од една тема на друга или купува и планира повеќе работи одеднаш.
Нагли промени на гестовите
Доколку нагло ги менувате своите вообичаени гестови во однесувањето тоа често може да биде знак за ментално заболување. Движењата на телото се рефлексија на нашата емотивна состојба и здравје… Доколку вие или некој во вашата околина забележи дека поинаку се однесувате, сфатете го тоа сериозно.
Не знаете каде ги оставате работите
Не можете ништо да најдете во неуредната соба, не сте способни да донесувате одлуки и почнувате да заборавате? Сето ова може да биде вовед во депресија. Ако тоа е еден од проблемите кои ве мачат, право на лекар.
Будни сте по цела ноќ
Премалку или премногу спиење може да биде симптом на ментално пореметување. Анксиозните пореметувања често предизвикуваат инсомнија и слаб сон, додека симптомот на депресија може да биде спиењето кое трае 12-13 часа.
Се грижите за денот кој е пред вас
Сосема е нормално да чувствувате помало количество на стрес кога помислувате на тоа што ве чека утре, но ако се грижите дотаму да не можете нормално да функцонирате во сегашноста тоа може да биде знак на анксиозност.
Повторувате мали ритуали
Препорачливо е еднаш да проверите дали сте понеле клучеви, дали сте го исклучиле шпоретот и сл. … Но ако ова однесување се повторува и по десет пати, тогаш се претворило во опсесивно компулсивно пореметување кое прави постојано да се сомневате во себе, одново да изведувате одредени ритуали. Кога овие навики ќе станат опсесија тогаш станува збор за ментално пореметување.
Пиете секој ден после работа
Нема ништо необично во тоа со убава вечера да нарачате вино, но ако можете да се опуштите само со алкохол тогаш имате проблем. Рагзоварајте со стручно лице кое најдобро ќе процени дали е во прашање секојдневен ритуал или, пак, ментално пореметување.
