Се што јадете и правите може да влијае на бактериите во цревата, а тие се задолжени за правилно функционирање како на цревата така и на целиот дигестивен тракт. Стресот и се низ што поминува нашето тело во текот на денот доведува до лачење на некои хормони кои можат да влијаат на работата на органите, но и чувството на болка и слично. Ништо добро нема да се случи ако лошо влијаете на бактериите во цревата. Ако вашите црева не се среќни, верувајте дека нема да сте ни вие. Се јавуваат надуеност, гасови, запек, чувство на непријатност и слично.
До пореметувања и проблеми доаѓа како резултат на промени и нарушувања на цревната флора. Овие шест грешки кои ги правиме можат да ја пореметат работата на цревата и да предизвикаат неволи.
Утринско кафе на празен стомак
Појадокот веќе некое време не е најважниот оброк во текот на денот. А всушност за работа на цревата храната наутро е многу важна затоа што бактериите во нив имаат свој работен ритам. Со промена на нивната рамнотежа во текот на денот настануваат проблеми. Појадокот богат со влакна ги храни бактериите со неопходни хранливи состојки и тие можат да ја обавуваат својата работа како што треба.
Недоволно влакна
Секој ден треба да внесеме по 38 грама влакна, затоа што добрите бактерии се хранат со влакна како што ние сакаме слатки. Доколку не внесуваме доволно влакна доаѓа до надуеност и гасови.
Бескорисни масти
Кога ќе се прејадете со шеќер и нездрави намирници ги храните бактериите кои не ви се од помош. Така, доаѓа до појава на воспаленија кои предизвикуваат дијареја, надуеност и запек. Место тоа внесувајте здрави масти и хранете ги добрите бактерии.
Пребрзо јадете
Гасовите се јавуваат доколку јадете брзо и без доволно џвакање. Така храната доаѓа до цревата, а не е во целост ни сварена. Бактериите тогаш произведуваат повеќе гасови.
Нервоза
Кога сте анксиозни или нервозни побрзо дишете и голтате повеќе воздух. Така повеќе сте отечени и имате проблем со гасовите. Направете пауза одвреме-навреме и поместете се од работната маса.
Малку спиете
Доколку не сте доволно наспани тоа ќе се одрази и на варењето. На дигестивниот систем му треба солиден одмор. Кога не одморате доволно во текот на ноќта, телото можеби нема да има доволно време да ја свари храната која сте ја изеле во текот на денот.
