Црниот дроб е најважниот орган во телото, а може да поднесе да биде оштетен ¾ од неговото ткиво пред да воопшто се покажат знаци на болеста. Со оглед дека тоа е единствен орган во телото кој може лесно да ги замени оштетените клетки, не е едноставно да се открие болеста додека не почнат сериозни проблеми. Кога ќе се појави цироза, тогаш црниот дроб дошол до точка кога веќе не може да се регенерира, а главен причинител за тоа се прекумерната консумација алкохол, дијабетес, дебелина и други болести кои предизвикуваат оштетување на клетките на црниот дроб. Она од што луѓето најмногу стравуваат се нетипичните симптоми кои укажуваат на болест на црниот дроб, а често се занемаруваат или се перципираат како дел на некоја друга состојба која нема врска со црниот дроб.
Неможност за концентрација
Ако концентрацијата ви паѓа секој пат кога ќе почнете да работите или секојдневно со часови гледате во празно и ништо не ви има смисла, можеби немате само еден од оние денови. Збунетоста и летаргијата се симптоми на оштетен црн дроб и се појавуваат која црниот дроб не е во состојба да го отстрани токсините од крвта и да му даде на телото енергија. Тогаш мозокот станува спор и тромав и се успорува метаболизмот, што може да предизвика заборавеност или неможност за концентрација.
Лош здив
Повремен или постојан лош здив, познат како халитоза е честа социјална нелагодност, но многу поважно е дека може да биде симптом на различни болести како болест на непцата, гастроинтестинални болести, болести на црниот дроб, дијабетес или инфекција на грлото. Болеста на црниот дроб се препознава по лошиот здив кој има овошен мирис што предизвикува висока концентрација на диметил сулфид, спој кој мириса на зелка.
Чешање
Кожата чувствува чешање кога завршните нервни завршетоци се надразнети или поради топлина предизвикана од воспаление или поради присуство на хемикалии кои иритираат. Телото често ја активира оваа реакција како одговор на антигенот кој влегува во кожата, но чешањето може да биде и симптом на опасна состојба. Кога црниот дроб е оштетен, жолчниот канал е запушен или блокиран, жолчната киселина се апсорбира во крвоткот што ги иритира нервните завршетоци и предизвикува чешање. За жал, овој симптом ретко се поврзува со сериозни здравствени состојби.
Депигментација на кожата
Депигментираната кожа може да има низа причини од неухранетост до автоимуни состојби. Пигментацијата на кожата која се појавува како резултат на цироза е светлокафена боја што укажува на тоа дека постои сериозен проблем со функцијата на црниот дроб.
Црвени дланки
Дланки со црвена боја со која често се јавува чувство на топлина и/или пецкање се карактеристични симптоми за некоја кожна болест. Може да станува збор за дерматитис, егзема или наследна состојба. Интересно е дека црвени дланки ги нарекуваат и дланки на црниот дроб и често се симптом на цироза на црниот дроб.
