Последниот извештај на Американскиот центар за контрола на болести, покажал дека едно од сто лица во Америка има заразна полова болест – кламидија. Едно лице, можеби и не звучи сериозно, но кога ќе се направи конечна сметка, тоа значи дека над 1,8 милиони луѓе во Америка имаат кламидија.
Она што далеку повеќе загрижува е фактот дека 1,4 милиони лица пријавиле дека ја имаат оваа болест, додека преостанатите 400.000 можеби ја имаат, за тоа не го знаат, ризикувајќи така да ги заразат своите партнери. Но, треба да се има на ум дека незнаењето на овие лица може не е нивна вина, бидејќи кламидијата речиси и да нема ниту еден повратен симптом кој би претставувал аларм за тревога.
Кламидија е полово пренослива бактериска болест, која често поминува незабележано, а може да предизвика хронични болки, вонматерична бременост и неплодност.
Оваа бактерија, меѓутоа, доколку навреме се открие, може да се излекува за неколку денови, со некоја од ефикасните терапии со антибиотици.
“И кај двата пола, кламидијата може, но и не мора да предизвика пад на енергијата, како и болки, особено при мокрењето. Но, проблемот е што наведените симптоми се типични и за други болести, па според нив, тешко е да се посомнева на постоење и појава на кламидија“, вели Мери Џејн Минкин, професор на Универзитот Јеил.
Спроведување тестови за кламидија, би требало да им се предложат на жени кои припаѓаат во ризична категорија (повеќе партнери во текот на годината, необразовани жени…), веднаш по посетата на лекар по општа пракса и гинеколог, а не само во специјализирани установи.
