Сексуално пренослива болест може да добие секој и тоа не треба да биде табу тема. Дури многу болести може и долго да се носат без притоа заразената личност да знае, затоа што симптомите се благи или никакви. Многу луѓе ги кријат половите болести затоа што мислат дека за нив нема лек и тоа е потполно погрешно затоа што повеќето од овие заболувања можат да се решат и без антибиотици. Меѓутоа, може да се случи и да имате сексуално пренослива болест, а да не знаете затоа што понекогаш симптомите мошне добро се кријат или потсетуваат на симптоми на други болести.
Овие пет полови болести тешко се откриваат, а еве и зошто:
Хуман папилома вирус
Ова е најчестата полово пренослива болест и една од оние кога и кондомот не е од голема помош. Постојат големи шанси да го имате овој вирус, а да не знаете. Папиларниот вирус може долго да живее во телото, а да не прави апсолутно никакви проблеми и вие да не знаете дека треба да реагирате. Тоа е затоа што постојат соеви од овој вирус кои не предизвикуваат дури ни брадавици.
Што може да се стори?
ПАП тестот би требало да покаже дека нешто не е во ред во вашето тело, а специјализираните тестови кои меѓудругото откриваат и папилома вирус, ќе бидат потврда за што точно станува збор.
Кламидија
Позната е како тивка инфекција затоа што не дава никакви симптоми. Дури после неколку недели може да се јави упорен сврбеж или засилен секрет. Додека се крие може да се прошири и на бешиката, а може да ја зафати и матката кога ситуацијата станува многу посериозна и лекувањето потешко.
Што може да се стори?
Имајте го на ум фактот дека оној кој ја пренесува оваа болест можеби нема никакви симптоми, па не може да се смета за потполно одговорен. Така што кондомот е најдобра заштита.
Гонореја
Како и кламидијата и гонорејата е типична за сексуално активните личности, и мошне добро се прикрива. Интересно е дека овие две болести често се откриваат заедно. Симптомите ако постојат се благо крвавење и иритација на вагиналниот простор, која се манифестира со чешање. Кога ќе земе замав предизвикува и болка во половиот орган.
Што може да се стори?
Првенствена зашита е користењето кондом. Сепак тоа не е потполна сигурност. Најдобро е да се тестирате редовно, така се штитите себе и луѓе со кои сте во сексуален контакт.
Херпес
Станува збор за вирусна инфекција која може да се јави во устата или гениталниот простор. Предизвикана е од херпес симплекс вирусите тип 1 и тип 2. Тип 1 предизвикува орална инфекција, а тип 2 генитална. Според истражувањата дури еден од шест луѓе кои имале сексуални односи заработиле херпес. Повеќето луѓе мислат дека херпесот е мошне болен и дека е невозможно да не се забележи, но тоа не е точно. Тој е болен дури откако ќе се исуши и ќе почне да пука, а се јавува многу порано.
Што може да се стори?
За да ја спречите појавата на херпес важно е да се користи кондом и заштитна гума за уста за орален секс.
Трихомонијаза
Станува збор за сексуално пренослива болест за која малкумина знаат, но тоа не значи дека е ретка. Имено, станува збор за болест предизвикана од паразити, а тие може да се најдат насекаде. Значи, можете да ја „соберете“ каде било и да не знаете дека ја имате и ширите додека не дојде до ескалација. Тогаш се чувствува жесток сврбеж, иритирачка болка и печење, и во тој случај веќе е доцна за лесно лекување.
Што може да се стори?
Шансите да добиете трихомонијаза ако користите кондом се помали, но ни во тој случај не е невозможно. Се дијагностицира најчесто со биопсија.
