Сенфот е одличен извор на протеини и селен, добар извор на витамин Е, магнезиум, железо и фосфор.
Ако сте настинати и ве гребе грлото, измешајте сенф, сок од половина лимон, половина лажичка сол, лажичка мед и половина чаша врела вода. По 10 минути, кога течноста ќе се олади, пијте полека, голтка по голтка. Оваа мешавина нема пријатен вкус, но е многу ефикасна во борбата против настинки и болки во грлото.
Сенфот, исто така, ќе ви помогне да ги релаксирате мускулите по прекумерна физичка активност. Ако чувствувате болка низ целото тело, направете си купка. Измешајте две супени лажици сенф, лажица морска сол и смесата ставете ја во када со вода. По оваа купка пожелно е да се истуширате и исплакнете, за да го отстраните мирисот на сенф од телото. Слична купка, но во помала количина е одлична за опуштање и одмор на уморните нозе и стапала.
Ако страдате од болки во долниот дел на грбот, помогнете си со едноставна паста, која се прави од семе од синап и брашно. Овие состојки измешајте ги со малку топла вода и нанесете ги на болното место. Завиткајте со завој или ткаенина и така држете ја пастата околу половина час, а потоа исплакнете со топла вода.
На лето, пак, ако се случи да изгорите на сонце намачкајте дебел слој сенф и болката и непријатно црвенилото ќе се намалат.
Не треба да се занемаруваат ниту се повеќе истражувања кои укажуваат на антиканцерогеното дејство на сенфот, особено на малигните заболувања на дигестивниот тракт.
Треба да се напомене дека сенфот е и идеален додаток на јадења во диетална исхрана бидејќи во 100 г сенф има само околу 75 калории. Сепак, и со него не треба да се претерува поради високата содржина на натриум, кој може да предизвика нарушувања на крвниот притисок.
