Покрај тоа што има извонреден вкус, со кој се збогатуваат многу јадења, сенфот има и позитивно влијание и на здравјето. Во последните години сенфот сѐ повеќе се споменува во контекст на превенција од карцином. Научниците докажале дека консумирањето сенф помага за надминување на грчеви, кај изгореници, мигрени, се користи како регенератор пред миење на косата, а најважно помага во превенцијата на туморите.
Помага при грчеви
Сенфот има противвоспалително дејство и може многу да помогне доколку се соочувате со грчеви во нозете или на стапалата, кои се упорни и не поминуваат долго време. Сенфот се мачка директно на нозете или стапалата, а доколку имате воспаление на мускулите, помага десетминутна топла бања за нозете во која се разматени неколку лажици сенф.
Регенератор за коса
Доколку косата ви е сува и безживотна, направете пакување со 4 лажици сенф и малку маслиново масло. Втријте го во коренот и оставете да делува преку ноќ, пред да го измиете со благ шампон. Резултатот ќе биде извонреден.
Изгореници
Сенфот може да помогне да се ублажи болката од мали изгореници од прв степен. Откако ќе ги оставите минута-две под млаз ладна вода, намачкајте подебел слој сенф, болката веднаш ќе престане.
Против тумори
Позитивните влијанија на сенфот се чувствуваат за целиот организам, но последните години особено се споменува неговата делотворност во контекст на превенција од рак. Научниците од Универзитетот во Фрајбург откриле дека редовното консумирање сенф го намалува ризокот од појава на тумори. Испитаниците секој ден јаделе по 20 грама сенф, а нивната крв подоцна била бомбардирана со канцерогени материи. Испитувањето покажало дека тие се соочиле многу подобро со опасните материи, од оние кои не консумирале сенф
