Учесничките во студијата кои не пријавиле никакви сексуални пореметувања, биле на возраст од 18 до 43 години. Секоја жена одговорила на ФСФИ прашалникот (индекс на сексуално задоволство кај жените), кој е дизајниран да процени одредени аспекти на сексуалното функционирање (како што се оргазам, болка, задоволство и сексуално возбудување) во клинички испитувања.
Учесничките, исто така, на истражувачите им зборувале за својата дневна консумација на јаболка и своите навики во исхраната.
Врз основа на нивните навики во консумирањето јаболка, жените биле поделени во две групи. Првата група јаделе најмалку по едно јаболко на ден, додека другата група не јаделе редовно јаболка.
Истражувачите утврдиле дека жените кои јаделе по едно јаболко на ден имале многу повисоки резултати по ФСФИ индексот за сексуална функција. Авторите, исто така, упатувале на други студии кои идентификувале силна врска меѓу антиоксидантите, фитоестрогените, полифенолите и сексуалното здравје кај жените. Јаболката изобилуваат со овие три претходно споменати супстанци.
И антиоксидантите и полифенолите може да помогнат во намалувања на воспаленијата и да ја зголемуваат циркулацијата на крвтв. Во меѓувреме, фитоестрогените се слаби билни соединенија кои имаат естерогенски ефект на телото.
