Изразената мутација на омикрон ковид варијантата, позната како ВА.5, предизвикува загриженост на глобално ниво, бидејќи во многу земји расте бројот на новозаразени. Не може да знаеме за колкав точен број на луѓе се работи поради достапноста на домашните тестови, потенцираат стручњаците, меѓутоа предупредуваат на ширење на вирусот. Лекарите објаснуваат дека варијантите на омикрон ВА.4 и ВА.5 предизвикуваат релативно блага болест, но и дека маските не би можеле да спречат зараза.
“Треба да се вакцинира и да се држи до оние класични епидемиолошки мерки. Таму каде што е гужва, би било добро луѓето да носат маски, иако оваа болест е многу заразна, па ниту маските не се покажаа како доволно ефикасни. Тие се делумно ефикасни, но во овој момент оваа варијанта е толку заразна да ни маските тука многу не би помогнале во ширењето“ велат експертите.
ШТО ТРЕБА ДА ЗНАЕТЕ ЗА ВА.5?
Дејвид Монтефиори, професор на Институтот за хумани вакцини при Медицинскиот центар на Универзитето Дјук, вели дека BA.4 и BA.5 се околу три пати помалку чувствителни на неутрализирачки антитела од постоечките вакцини против КОВИД-19 од оригиналната верзија на варијантата омикрон, ВА.1.
Дополнителните истражувања покажуваат дека BA.4 и BA.5 се четири пати поотпорни на антителата од вакцините од подваријантата BA.2. Оваа подваријанта во април го замени омикрон како доминантна верзија на коронавирусот.
Но, лекарите велат дека иако тие се шират побрзо од било кои други, не е утврдено дека BA.4 и BA.5 предизвикуваат потешка болест.
НА КОИ СИМПТОМИ ТРЕБА ДА ВНИМАВАТЕ?
Според Универзитетот во Калифорнија Дејвис Хелт, пријавените симптоми на ВА.5 се слични на претходните варијанти: треска, течење на носот, кашлица, болки во грлото, главоболки, болки во мускулите и замор. Во овој момент, се чини дека нема разлика во симптомите кои се гледаат кај случаите на BA.4 или BA.5, во споредба со претходните соеви на омикрон.
БЛАГАТА ФОРМА НА КОВИД СЕГА НАЛИКУВА НА АЛЕРГИЈА. КАКО ДА ГИ РАЗЛИКУВАТЕ?
Омикрон и неговите подваријанти генерално предизвикуваат поблага форма на корона, но во голем број случаи тие можат да имитираат симптоми на сезонски алергии, што ќе ги збуни заболените и тие можеби нема да преземат мерки на претпазливост за да го намалат ширењето на коронавирусот.
Еве како можете да препознаете дали затнат нос, кивање, кашлица, главоболка и замор се симптоми на алергија или корона.
Ако се работи за коронавирус, и по неколку дена ќе се чувствувате лошо бидејќи на организмот му треба време да се избори со вирусната инфекција. Алергиите главно го немаат овој симптом. Исто така, ако имате треска и болки во мускулите, поверојатно е да се работи за корона отколку за сезонска алергија. Постои уште еден знак по кој може да се разликуваат овие две состојби. Алергиите може да предизвикаат благо губење на мирис кога носот е затнат, но наглото губење мирис не е вообичаено за алергија и е знак за инфекција со коронавирус.
Два симптоми кои пак укажуваат на поголема веројатност за алергија се чешање и/или насолзени очи – симптоми кои се чести кај алергија на домашни миленици и полен. Лицата кои имаат алергии знаат да ги препознаат симптомите, а тие обично се појавуваат секоја година во исто време. А, ако одеднаш развиете симптоми слични на настинка, поверојатно е дека имате корона отколку алергија. Ќе знаете дека веројатно е корона ако не се чувствувате подобро откако ќе земете лекови за алергија. Имено, тие ефикасно ги лекуваат симптомите како затнатост и течење на носот и кашлицата, но нема да помогнат при инфекција и со неа поврзани болки во телото и/или треска. Ако и понатаму сте во дилема, тестирањето е најдобриот начин да се утврди дали имате ковид или сезонска алергија.
