Научниците веруваат дека можат да објаснат зошто некои лица кои имаат КОВИД-19, развиваа состојба која потсетува на смрзнатини на палците, но и на останатите прсти.
КОВИД палец се појавува како несакан ефект или нуспојава кога организмот тргнува во напад да се бори против вирусот.
Истражувачите велат дека прецизно одредиле кои делови од имуниот систем се вклучени. Сознанието, објавено во British Journal of Dermatology , може да помогне во лекувањето на овие симптоми.
ОД КОВИД ПАЛЕЦ ДО ИНВАЛИДСКА КОЛИЧКА?
Може да се случи кај лица на било која возраст, но почесто ги погаѓа децата и тинејџерите.
За некои оваа состојба не е придружена со болка, но кај некои се јавува осип што чеша, прстите им отекуваат и се појавуваа плускавци.
Софи, која има 13 години и живее во Шкотска, едвај успела да чекори и да носи чевли кога го добила ковид палецот на почетокот на оваа година. Во текот на летото, морала да користи инвалидска количка за подолги прошетки.
Оваа состојба влијае на кожата, вообичено на палците, но некогаш и на прстите кои поцрвенуваат или стануваат виолетови.
Кај некои пациенти се развиваат болни грутки или на тие места кожата им станува многу груба и рапава. Може да се појави и гној.
Кај некои состојбата со ковид палец трае со месеци, а кај некои со недели.
Овие лица, често немаат класични симптоми на КОВИД-19, како што се постојана кашлица, покачена телесна температура или губење на сетилото за мирис и вкус.
Најнови студии, базирани на тестови на крв и кожа, покажуваат дека оваа состојба е под влијание на два дела на имуниот систем. Двата дела подразбираат механизми кои телото ги користи во борба против коронавирусот.
Едниот е антивирусен протеин што се нарекува интерферон тип 1, а другиот е тип на антитела кој по грешка ги напаѓа сопствените клетки и ткива, а не само инвазивниот вирус.
Клетките ги обложуваат малите крвни садови и ги снабдуваат зафатените подрачја, велат француските експерти.
Истражувачите проучувале 50 лица за кои се претпоставувало дека имаат ковид прст од 2020 година и 13 други случаи кои имале состојба слична на смрзнатини кои не биле поврзани со ковид инфекцијата, бидејќи се случиле пред почетокот на пандемијата.
Тие се надеваат дека нивните наоди ќе им помогнат на пациентите и лекарите подобро да ја разберат оваа состојба.
Проблемите со кожата поврзани со КОВИД-19 може да се појават и да бидат присутни долго време по акутна инфекција и кај лица кои немаат други симптоми, па понекогаш не се поврзува со вирусот, велат лекарите.
