Зголемена температура, кашлица и замор може да бидат симптоми на многу посериозни болести од грипот и настинката. Доколку забележите, покрај овие симптоми, уште и главоболка и течење нос, а стандардната терапија не помага, веднаш обратете се на лекар бидејќи наместо грип и настинка, тоа може да бидат симптоми за сериозни болести.
Се случува некогаш симптомите да се маскираат и да имитираат безопасни заболувања, додека не напредуваат за да се покажат во вистинското светло. Многу вирусни инфекции ќе покажат слични симптоми како и настинката, но подоцна се утврдува дека станува збор за сериозно заболување. Многу од овие симптоми се поврзани со респираторните органи, носот и грлото, бидејќи тие се местата каде што вирусите најпрво напаѓаат, предизвикувајќи имуниот систем да се бори со нив.
Постојат неколку работи на кои треба да се обрне внимание, а кои може да укажат на нешто нетипично. Во принцип колку подолго трае болеста, толку може да е посериозна. Децата годишно настинуваат околу 8 пати и состојбата трае и по неколку недели, а возрасните до три пати во годината и траат по една седмица. Но, промените во симптомите, како што е зголемена телесна температура, осип или нови симптом од нигде никаде, може да бидат показател дека нешто сериозно се случува. Ова се само неколку тешки заболувања кои може да имаат слични симптоми како и настинката или грипот.
Пневмонија
Започнува како настинка, а кога имуниот систем на пациентот е ослабен, тогаш настинката удира бидејќи организмот не е способен да се одбрани. Може да се појави во било кој период од годината, но во овој период често погрешно се толкува како настинка или грип.
Бронхитис
Исфрлање на слуз во жолта и зелена боја од белите дробови при настинка може да биде јасен знак дека се работи за бронхитис.
Магарешка кашлица
Неконтролираната кашлица проследена со спазми, при што се јавува и отежнато дишење, се знаци дека станува збор за нешто сериозно. Заболените тешко дишат и едвај доаѓаат до воздух. Кај деца помали од 6 месеци, оваа кашлица може да биде фатална.
Менингитис
Ова е инфекција на течностите кои се наоѓаат околу ‘рбетот и мозокот. Болеста најчесто започнува со главоболка, температура, болки во вратот и чувствителност на светло. Бактерискиот менингитис е поопасен од вирусниот и предизвикува оштетување на мозокот, губење на слухот и тешкотии при учењето.
Труење со храна
Доколку сте консумирале храна зарзаена со бактерии и нивните отрови, вируси или паразити, може да добиете температура, треска, дијареа и повраќање, кои може да траат и до една недела.
Хочкин лимфом
Ова е вид на лимфом кој преставува рак за лимфните јазли. Почнува во лимфните јазли на горниот дел на телото како што се градите, вратот или под пазувите, каде отекуваат лимфните јазли.
Задолжително побарајте помош од лекар доколку вашите симптоми траат подолго од две недели, а особено доколку забележите потешкотии со дишењето, повраќање или болки во градите или стомакот, вртоглавици, конфузија, симптоми кои се повлекуваат и се враќаат, како и дехидратација. Кај децата обрнете внимание на тоа дека имаат солзи кога плачат и дали кожата им ја менува бојата.
