Следуваат 10 сигурни причини кога треба да се појде на лекар:
Болка во градите
Доколку во градите чувствувате болка или притисок кој трае повеќе од 2 минути или исчезнува, па се враќа време е за на лекар.
Краток здив
Доколку се случи одеднаш и ве оневозможува во обавувањето на секојдневните активности, појдете на лекар. Истото направете го и во случај да имате тежок проблем со дишењето или чувствувате и мачнина, болка во градите или да чувствувате дека губите свест.
Ненадејни потешкотии со видот
Појдете на лекар ако одеднаш ви се замати видот, имате дупла слика или повремено губење на видот. Тоа може да е знак на мозочен удар или друга сериозна состојба. Побарајте лекарска помош ако проблемите со видот ги следат и тешка главоболка, мачнина или повраќање, слабост, вртоглавица, збунетост или потешкотии во говорот.
Повраќање
Доколку повратената содржина има крв или повраќањето е придружено од силна главоболка или болки во стомакот, збунетост, забрзано дишење и забрзана работа на срцето – не губете време.
Повреди на главата
Побарајте лекарска помош доколку после удар загубите свест, имате напад, главоболка која не попушта, се појавува мачнина или повраќање кое не поминува, неразбирлив говор или се појави збунетост, слабост и потешкотии со координацијата на движењата.
Болка во стомачната шуплина
Доколку трае повеќе од 30 минути, а се појави одеднаш и е мошне интензивна. Доколку болката не попушта, а ја следи повраќање, може да се работи за воспаление на слепото црево што бара итна реакција.
Болка и отекување на тестисите
Може да биде предизвикано од повреда или инфекција, но може да е знак и за сериозни проблеми во стомачната шулина. Веднаш побарајте лекарска помош ако болката е силна или се појави нагло, а притоа чувствувате мачнина, повраќате или имате треска или можете да напипате топче во скротумот. Истото важи и ако чувствивате болки и после еден час од повредата или вашиот скротум е црвен или отечен.
Заради висока температура веднаш не треба да се крева паника, но овие знаци не треба да се занемарат.
Висока температура
Доколку дете помладо од 3 месеци има температура повисока од 38 степени, би требало веднаш да го прегледа лекар. Истото важи и за деца од 3 месеци до 3 години, ако е во прашање температура повисока од 39 степени, како и кај возрасни со температура од 40 и повеќе степени.
Збунетост и потешкотии со говорот
Ова се два најчести симптоми на мозочен удар. Не оставајте ништо на судбината, туку појдете на лекар. Доколку се работи за мозочен удар, резултатите од лекувањето и траењето на опоравувањето ќе зависат од тоа колку брзо после ударот сте добиле лекарска помош.
Вагинално крвавење во бременост
Не мора секогаш да е симптом на сериозна состојба, особено ако се работи за неколку капки крв во првото тримесечје, но сепак известете го вашиот лекар.
