Воспалението на мочниот меур, познато и како инфекција на долниот уринарен тракт, може да се појави и кај двата пола. Но, жените поради анатомската карактеристика да имаат пократка уринарна цевка, поради што бактериите полесно и побрзо допираат до мочниот меур, се посклони кон овој здравствен проблем кој знае да биде многу упорен. Кај жените мочоводот или уретерот, исто така, е сместен многу поблиску до анусот, што значи дека бактериите мораат да поминат пократок пат за да стигнат во мочниот меур.
Во поголемиот број случаи овој тип на воспаление се појавува изненадно и трае кратко (акутно воспаление на мочниот меур), но понекогаш може да се биде присутно и подолго време (хронично воспаление на мочниот меур).
Раното третирање на воспалението е клучно за превенција од ширење на инфекцијата. Во нормални околности бактеријата која го предизвикува воспалението со уринирањето може да се отстрани од телото. Во некои случаи бактеријата може да се прицврсти за ѕидовите на меурот и брзо да се размножи. Тоа ја оневозможува способноста на телото да ги уништи бактериите, што резултира со воспаление на овој орган во телото.
Ова се симптоми на воспаление на мочниот меур, за кои стручњаците нагласуваат дека е неопходна итна лекарска интервенција:
- Матна урина или урина во која се видливи траги од крв;
- Уринирате почесто од вообичаено;
- Урината е со непријатен мирис;
- Болка или чувство на печење при уринирањето;
- Постојан притисок во мочниот меур додека сте во тоалет;
- Грчеви или притисок во долниот дел на абдоменот или долниот дел на грбот;
- Висока телесна температура со силна болка во делот на бубрегот.
