Малите, зелени зрнца се омилен зеленчук на децата, но постојат многу причини зошто и возрасните треба да го имаат почесто на своето мени.
Тој е одличен извор на антиоксиданти, како што се флавоноиди, каротеноиди (алфа-каротен и бета-каротен), фенолни киселини и полифеноли. Во него се содржани фитокомпоненти, кои имаат силни антивоспалителни својства, како што се витамини Ц и Е, минералот цинк и омега-3 масни киселини во форма на алфалиноленска киселина (АЛА).
Грашокот изобилува со многу хранливи материи, витамини А, Б1 (тиамин), Б2 (рибофлавин), Б6, Ц, К, минерали калиум, железо, магнезиум и манган и протеини.
Истражувањата покажале дека куместролот, кој го содржи грашокот, е главен сојузник во борбата против ракот на желудникот. Утврдено е дека количина во износ од само 2 мг на ден од овој фитонутритиент е одлична превенција од рак, а една шолја грашок содржи околу 10 мг куместрол.
Колку е грашокот корисен за нашиот организам, говори и фактот што се препорачува негова консумација при замор и исцрпеност.
Штити од Алцхајмерова болест, бронхитис и артритис, а поради фактот дека изобилува со растителни влакна и протеини кои го регулираат варењето на храната, помага и во губење на вишокот килограми
Го регулира шеќерот во крвта и ги спречува воспаленијата. Грашокот е богат со фолна киселина и витамин Б6, па е идеална намирница за борба против остеопорозата, а се верува дека има позитивен ефект врз срцето и кардиоваскуларниот систем. Покрај тоа, ја поттикнува детоксикацијата, помага при запек, го зајакнува нервниот систем, го подобрува расположението, ја спречува појавата на брчки, го поттикнува растот на косата, помага при анемија, го регулира крвниот притисок и го подобрува здравјето на кожата. Ви требаат ли уште причини за да се најде на вашата трпеза?
