Кога доаѓа и до најмала промена на времето се појавуваат и нови бактерии и вируси, кои поприлично го загрозуваат здравјето и го отежнуваат нормалното секојдневно функционирање. Меѓу нив е и стомачниот вирус кој може да биде доста напорен, а ни малку не олеснува податокот дека за него не постои ниту еден конкретен лек. Официјалното име на стомачниот грип е гастроентеритис и тој се опишува како воспаление на гастроинтестиналниот тракт. Ваквото воспалените е резултат на вирусна инфекција која се случува во системот за варење, иако понекогаш инфекцијата може да биде и бактериска. Најмногу ги погодува децата заради тоа што имуниот систем се уште не им е во потполност формиран.
Симптомите на стомачен вирис се лесно забележливи, а најчесто се работи за мачнина, иако лекарите сметаат дека се состојат од неколку фази. Пред се, се појавува мачнина, а потоа малаксаноста и благо зголемената телесна температура. Сепак, овие почетни симптоми лесно можат да преминат во сериозни мачнини кои се придружени со повраќање, и мошне често дијареја, што автоматски ќе значи дека организмот ќе дехидрира. Исто така, не се туѓи ниту симптомите како болка во мускулите, умор и треска.
Најголем проблем поврзан со стомачниот вирус е тоа што за него не постои ниту еден конкретен лек кој би овозможил брзо и лесно оздравување. Едноставно треба да се прележи и сите фази да поминат сами од себе. Сепак, постојат и неколку работи до кои би требало да се придржуваме, а се однесуваат на исхраната и внесот на течности.
Со оглед на тоа дека организмот мошне брзо дехидрира, треба да се земе електролитен раствор и во првиот час да се зема по една лажичка на пет минути, а потоа и почесто. Доколку телото не исфрла може да се земе и пробиотик или активен јаглен, а дури после неколку часа да се консумира некоја диетална храна како супа, препечен леб или компир.
Треба да се одбегнува: млеко и млечни производи, кафе и алкохол, чоколадо, житарки, масна и солена храна, газирани пијалаци, свежо овошје и зеленчук и сл.
Симптомите варираат од личност до личност, а вирусот најчесто се задржува пет до десет дена, со тоа што најинтензивни се во првите пет дена. Со оглед на тоа дека нема конкретен лек, а ниту вакцина, превенцијата е најдобро решение.
Во случај да боледувате од стомачен вирус, и да повраќате повеќе од два до пет дена, тогаш можеби станува збор за некоја друга инфекција, па обавезно појдете на лекар.
По првото чувство на мачнини или болка во желудникот и стомакот кај секого веднаш се јавува дилемата – дали станува збор за вирус или нешто сме изеле?! Уште полошо дали сме се отруле со храна? Површно гледано, стомачниот вирус и труењето со храна се манифестираат мошне слично, и тоа не е случајност, туку постои медицинско објаснување за овој „феномен“.
„Често многу е тешко да се најде разлика меѓу труењето со храна и гастроентеритисот, односно стомачните бактерии затоа што ист тип бактерии и вируси може да живее и во храната и во човекот. Заради тоа симптомите на овие две состојби се толку слични“, објаснува гастроентерологот Кетан Шах.
Сепак, ако повнимателно погледнете можете да ги воочите суптилните, единствени карактеристики на двете состојби. Ова е всушност неопходно затоа што несаканите стомачни проблеми може да имаат многу поголеми последици од повраќањето на ручекот.
„Труењето со одредена храна може да биде мошне опасно, толку дури и да ви го загрози животот, доколку не се препознае и не се лекува“, вели Шах.
Откријте кои се разликите меѓу труење со храна и стомачен вирус!
– ПРИЧИНИ –
Можеби мислите дека е очигледно оти труењето со храна го предизвикува храната, а стомачниот грип го предизвикува вирус.
„Всушност работите се малку покомплицирани. Двете состојби ги предизвикува бактерија или вирус, но разлика прави фактот на кој начин сте биле изложени на таа бактерија или вирус“, вели Шех и додава: „Труењето со храна се случува кога во желудникот низ храната ќе се внесе патоген, а стомачниот вирус е резултат на каква било изложеност, обично се пренесува од личност на личност преку облека, телесни течности, заразени површини, но и храна.“
Гастроентерологот понатаму објаснува дека најчеста причина за труење со храна е норовирусот, салмонелата, кампилобактеријата, потоа клостридија перфригенс, ешерихија коли и стафилокока. Од друга страна, најчести патогени кои предизвикуваат стомачен вирус се вирусите, салмонелата и кампилобактеријата.
Кога одредувате дали кај вас станува збор за вирус или труење, обидете се да се сетите што сте правеле. Дали сте биле во контакт со некој кој штотуку прележал или има стомачен вирус? Сте заборавиле да ги измиете рацете пред јадење? Тогаш постои можност за вашите проблеми да се виновни бактериите.
– Симптоми –
Овде ќе најдете повеќе сличности од разлики. Кетан Шах вели дека и двете состојби делат голем број симптоми, кои можат да вклучуваат и грчеви, температура, треска, мачнина, намален апетит, дијареја, болка во зглобовите и мускулите, главоболка и повраќање. Клучно за да направите разлика е да обрнете внимание кога се манифестираат симптомоте и колку долго траат.
„Заради видот на патогенот симптомите на труење со храна генерално се развиваат неколку часа по внесувањето на заразената храна, додека симптомите на стомачен грип се развиваат 24 до 48 часа по изложувањето на вирусот“, објаснува Шах. На пример, ако чувствувате мачнина или болки, а вчера сте јаделе во нов морски ресторан, 99 % сте го нашле виновникот за вашите симптоми.
Посветете внимание и колку долго симптомите траат. Ако стомакот ви е „врзан“ повеќе од неколку дена, веројатно, станува збор за вирус.
„Бактерискиот, паразитискиот или заразниот стомачен вирус траат во просек по една недела“, вели гастроентерологот Тоја Џејмс Стивенсон.
– Лекување –
Хидратација и внес на електролити се препорачува и во двата случаи. Одбегнувајте засладени пијалаци и сокови, затоа што можат да ја влошат дијарејата. Јадете лесна храна, како пилешки супи, препечен тост, барен компир и сл. Доколку не можете да ја воочите разликата дали е во прашање труење или стомачен вирус, појдете на лекар, всушност тоа направете го дури и кога сте сигурни дека станува збор за труење. Посетата на лекар е обавезна и ако почувствувате знаци на потешка дехидратација, како силна стомачна болка, губиток на килограми и крвава столица.
