Кога во животот ќе ви влезе некоја хронично негативна личност, тешко е да останете недопрени од нејзината токсична енергија. Ви предлагаме четири начини кои ќе ви помогнат да останете „имуни“ на нивната негативна енергија.
- Преземете одговорност за себе
Како се чувствувате и што правите зависи само исклучиво само од вас. Можеби некои од луѓето со кои сте опкружени можат моментално да ви ги помешаат чувствата, но кога се ќе се собере и одземе, вие сте тие од кои зависи како ќе се чувствувате. Едноставно мора свесно да одлучите да не дозволите енергијата на негативните луѓе да влијае врз вас.
Кога ги игнорирате негативните луѓе, нивните едра немаат ветер
- Дишете (во природа)
Многу луѓе кога се опкружени со негативна енергија, одат во природа. Потоа се чувствуваат прочистено, како да е од нив излезена целата апсорбирана негативност. Кога се наоѓате во природа, применувајте и техника за дишење, дишете длабоко. Со вдишувањето се внесува позитивна енергија, а со издишувањето се исфрла негативна енергија. Обидете се, навистина функционира.
- Едноставно игнорирајте ја негативната личност
Исто како што на паразитот му треба домаќин за да опстане, така и на негативните луѓе им е потребен некој да ја апсорбира негативната енергија, во спротивно таа ја губи својата смисла. Кога ги игнорирате негативните луѓе, нивните едра немаат ветер. Не можете да им кажете какви да бидат, но можете да одлучите дали ќе им обрнувате внимание или не.
Многу луѓе кога се опкружени со негативна енергија, одат во природа
- Разберете дека не можете секого да направите среќен
Доколку во вашето опкружување имате лице кое само кука и се жали на се и сешто, сетете се дека не можете сите да ги направите среќни. Негативната енергија и луѓето кои ја шират сакаат да повлечат надоле се со себе, но немојте тоа да им го дозволите! Испраќајте позитивни вибрации, бидете позитивни.
