Оревите се богати со билни протеини, содржат висок процент на незаситени масни киселини и витамин Е. Плодот на оревот содржи и природни стероли, супстанци кои го намалуваат нивото на шеќер во крвта, како и магнезиум и калиум, кој е важен за метаболизмот на водата во организмот.
Само една шака ореви – 30 до 32гр дневно може да го намали холестеролот во просек за 5%, напоменуваат лекарите.
Благодарение на ова дејство, значајно се намалува и ризикот од срцев удар предизвикан од престанок на довод на крв во срцето. Токму ваков, често фатален исход, може да даде токму зголемното ниво на холестерол.
Холестеролот е неопходен за функционирање на организмот, но ако е покачен може да доведе до запушување на крвните садови. Позитивен ефект на намалување на нивото на холестерол имаат и останатите јаткасти плодови – бадеми, лешници, ‘фстаци и кикирики.
