Откако ќе изедеме нешто слатко телото испушта инсулин за да се стабилизира нивото на шеќер во крвта, но тоа како последица има појава на црвенило на лицето и поголема веројатност за воспалителни процеси. Имено, токму шеќерот е причина за разни здравствени проблеми.
Ако веќе имате проблеми со акни, екцеми, тогаш консумирањето шеќер само може да ги влоши проблемите. Шеќерот им одмага на белите крвни знрца да се борат против воспаленијата, па со тоа и акните стануваат поголем проблем. Молекулите на шеќер се врзуваат и за протеините на кожата, процес кој се нарекува гликација.
Проблем настанува затоа што тоа за последица има создавање крути и ригидни структури, па инаку флексибилните и еластични молекули го губат своето основно својство и функционалноста. Заради оваа реакција настануваат и слободните радикали именувани како АГЕ, кои доведуваат до воспаленија и разбивање на колагенот и еластинот.
Сето резултира со брчки на лицето. Ако и алергиите се проблем со кој се борите, шеќерот може само да ја влоши ситуацијата. Дерматолозите ширум светот предупредуваат дека шеќерот предизвикува црвенило на кожата, познато како „шеќерно лице“.
