Најновите истражувања уште еднаш потврдија дека западниот начин на исхрана, базиран на шеќер и јаглехидрати значително го зголемува ризикот за појава на Алцахјмерова болест. Се покажало дека дури и благото подигање на нивото на шеќерот може да го зголеми ризикот.
Оваа прогресивна болест, која поприма размери на епидемија значително го нарушува квалитетот на живот, го слабее помнењето и мозочната функција, и болното лице го прави целосно зависно од туѓа помош.
Во Америка, Алцахајмеровата болест е трета причина за смртност (по срцевите заболувања и карциномот), а се проценува дека до 2050 година бројот на болни тројно ќе се зголеми.
Според новата студија, исхраната богата со јаглехидрати како шеќерот го зголемува ризикот од појава на деменција за 89 отсто, додека храната која изобилува со здрави масти го намалува ризикот за 44 проценти.
Едно 10-годишно истражување покажало дека кај лицата кои имаат високо ниво на шеќер во крвта, мозочните и когнитивните функции опаѓаат многу побрзо од кај оние кои одржуваат нормално ниво. Лицата кои боледуваат од дијабетес тип 2 имаат за два пати поголем ризик за добивање на Алцајхмерова болест, но и со дијабетес тип 1 и со срцеви заболувања, исто така, се зголемува ризикот од развој на деменција.
Во 2005 година прв пат е откриена врската помеѓу шеќерот и Алцхајмеровата болест и оттогаш таа болест добива друго име – дијабетес тип 3. Имено, таа е тесно поврзана со инсулинската резистенција во мозокот. Мозокот произведува инсулин, кој е важен за преживување на мозочните клетки. Но, кај заболените лица забележливи се поголеми количини на токсичниот протеин во мозокот – бета амилоид кој го поништува делувањето на инсулинот.
Бета – амилоидот делува така што ги отстранува инсулинските рецептори од нервните клетки и со самото тоа во мозокот се создава инсулинска отпорност и како тој токсичен протеин се акумулира во мозокот, така мозочните функции слабеат, што конечно резултира со појава на деменција. Колку е поголемо производството на тој штетен протеин, толку мозочните функции и помнењето се послаби.
И додека намалувањето на нивото на инсулин во телото значи и подобро здравје, за мозокот важи токму спротивното – намалувањето на инсулин во мозокот предизвикува опаѓање на мозочните функции и деменција. Лицата кои имаат ниско ниво на инсулин и инсулински рецептори многу почесто заболуваат од Алцхајмерова болест.
Истражувањето спроведено во 2013 година покажало дека шеќерот и останатите јаглехидрати може да ги попречуваат мозочните функции, дури и ако лицето не е дијабетичар или нема знаци на деменција. Шеќерот ја слабее функцијата на хипокампусот и помнењето и придонесува за атрофија на тој дел од мозокот.
