Другиот главен фактор за нивните придобивки е дека зеленчукот и овошјето имаат алкална реакција бидејќи обезбедуваат изобилство количини на метални јони во форма на микро и макро елементи.
Голем број од овие научници, сепак, веруваат дека за уште побрза и поефикасна превенција и третман на различни видови болести, подобро е да се пијат соковите од зеленчукот и овошјето. Тоа е затоа што соковите полесно се прифаќаат и стигаат во организмот – обично само 15-30 минути. Во тој период, дигестивниот систем речиси не троши енергија за тоа.
Сок од краставица
Краставиците се најдобро диуретско средство. Сокот од краставица исклучително благотворно делува при ревматски заболувања, бидејќи овие болести се последица од задржување на мочната киселина во организмот. Ако кон овој сок се додаде и сок од цвекло, процесите се забрзуваат.
Високата содржина на калиум во краставицата ја прави многу ценета при висок или низок крвен притисок.
Сокот од краставица помага и при лоша состојба на забите и непцата. При многу кожни болести добри резултати се постигнуваат со редовно пиење сок од краставица комбинирам со свеж морков.
Сок од глуварче
Овој сок е еден од највредните средства за тонизирање. Содржи исклучително голем процент на калиум, калциум и натриум и истовремено е најбогатиот извор на магнезиум и железо. Магнезиумот е потребен за зајакнување на скелетот и спречување на омекнување на коските. Доволно количество органски магнезиум, железо и калциум во храната на трудницата спречуваат загуби и расипување на забите, како и ги зајакнуваат коските на детето.
Суровиот сок на глуварче добиен од листовите и од коренот, во комбинација со сок од морков или сок од листови на репка помага при болести на ‘рбетниот столб и болки на другите коски, а им дава и цврстина на забите и спречува парадентоза.
Изешан со сок од целерот и магдоносот, сокот на глуварче помага при анемија и функционални нарушувања на срцето, а го тонизира и срцето. Овој сок е исклучително корисен за слезината и во комбинација со речиси сите други сокови стимулира секрецијата на жолчката и затоа е корисен при дисфункции, како на црниот дроб, така и на жолчното кесе.
(Продолжува)
