Нервниот слом не е клинички израз и не се смета за ментално заболување. Нервен слом е состојба во која лицето не може нормално да функционира по преживеан голем стрес. Симптомите се разликуваат кај секој човек. Телото и мозокот на стрес реагираат на различни начини, а следните шест знаци се најчести кога станува збор за нервен слом.
Симптоми на аксиознозност и депресија. Анксиозноста и депресијата се вообичаени реакции. Проблемот настанува кога стресовите се константни. Ако се движите кон нервен слом, можете да се чувствувате како постојано ви се плаче, па дури и да доживувате и епизоди на неконтролирано плачење. Некои луѓе постојано се борат со самодовербата, а некаде чувството на вина е премногу изразено.
Премногу или премалку сон. Промената на сонот е уште еден знак на предупредување. Некои луѓе сметаат дека премногу спијат. Спиењето им станува прибежиште. Во таквите случаи, вообичаено е цела ноќ да размислувате за ситуации за кои не може да пронајдете решение.
Замор. Екстремен замор може да биде и знак дека сте максимално изложени на стрес. Покрај тоа, слабост во телото е уште еден симптом. Работи кои претходно сте ги правеле со леснотија, сега ви се многу напорни, а некои работи што претходно ве радувале, повеќе не ви се интересни.
Промени на апетитот. Или не јадете, или премногу јадете. Хормонот на стрес, кортизол, може да предизвика желба за намирници богати со шеќер и масти. Кога имате нервен слом, тогаш немате ни желба да обрнете внимание на здравата исхрана. Тогаш, многу се мали шансите дека ќе се грижите за себе и вашето здравје.
Физичка болка. Главоболка или болки во стомакот. Познато е дека стресот има огромно влијание во варењето, па, кога сте изложени на прекумерен стрес, запекот или проливот се вообичаена појава.
Проблеми со дишењето. Класичните знаци за анксиозност, како што се стегање во белите дробови и забрзано дишење, се јавуваат кога станува збор за нервен слом.
