Секој од нас има по некоја лоша навика со која не се гордее. Се избегнува физичка активност, се јаде брза и нездрава храна, се пијат газирани пијалаци. И што е најлошо, не сме ни свесни за фактот дека тие навики се еднакво, како и пушењето се лоши за здравјето.
СЕДЕЊЕ
Многумина од нас седат во канцеларија по цел ден, а неретко и кога ќе дојдеме дома се префрламе на фотелја или крвет. Она што е важно да се нагласи е дека седечкиот начин на живот е нездрав. Студија од 2014 година покажала дека седењето може да го зголеми ризикот од болести на срцето, дијабетес, рак, па дури и депресија.
Секои дополнителни два часа седење го зголемуваат ризикот од заболување од рак на дебелото црево, карцином на ендометриумот, рак на белите дробови, без разлика дали личноста вежба во текот на денот. Акос е фатите дека поголемиот дел од денот го минувате седејќи, станете и повремено прошетајте или истегнете се. И десет минути пешачење секој ден ќе биде ефикасен исчекор.
ГАЗИРАНИ ПИЈАЛАЦИ
Бројни истражувања покажале дека редовното консумирање зашеќерени напитоци го зголемува ризикот од кардиоваскуларни болести, па дури и ако лицето нема прекумерна тежина. Преголемиот внес на шеќери исто така може да доведе до дијабетес, маснотии во црниот дроб, како и до висок крвен притисок и високо ниво на холестерол.
НЕДОСТАТОК НА СОН
Не мора ни да се нагласува колку добриот сон е важен за целокупното здравје. Недостатокот на сон не само што може да доведе до дебелеење, туку може да иницира и појава на висок крвен притисок. Поради хроничен недостаток на сон доаѓа и до лачење на хормонот на стрес – кортизол, а стручњаците велат дека високото ниво на овој хормон е поврзано со ризикот од срцев и од мозочен удар.
СОЛАРИУМ
Иако, користењето солариум се чини како варијанта на сончањето над која имаме контрола, и девте работи може да бидат подеднакво опасни за организмот, како и пушењето. Светската здравствена организација во 2009 година го вброи солариумот во категоријата на најглем ризик, означувајќи го како канцероген, откако е утврдено дека ризикот од меланом е зголемен за 75% кај лицата кои на слоариум почнале редовно да одат пред 30 години.
ДЕБЕЛИНА И НЕЗДРАВА ХРАНА
Брзата храна, премногу слатко, преработки, храна богата со масни киселини влијаат на развојот на потенцијално смртоносни болести. Сето ова може да доведе до прекумерна тежина, а стручњаците не престануваат да го нагласуваат ризикот што дебелината со себе го повлекува – од дијабетес до болести на срцето. Британскиот Cancer Research UK тврди дека дебелината наскоро може да стане најголема причина за рак кај жените која може да се спречи.
ОСАМЕНОСТ
Ефектот на осаменоста на намалувањето на животниот век е ист како кога поединецот дневно ќе испуши 15 цигари. Осамените луѓе почесто се пушачи, почесто се дебели и поретко вежбаат. Не е важно колку луѓе познавате или колку често ги гледате, важно е да се чувствувате поврзано со другите.
