Освен зголемен внес на течности и мирување, кои секогаш се препорачуваат кај грип, треба да знаете што никако не треба да правите ако не сакате да ги влошите симптомите и да го продолжите боледувањето…
Не претерувајте со лековите заради работата
Без оглед на тоа дали вашиот претпоставен е благонаклонет на боледувањето, најдобар начин да оздравете од грип е да се лекувате дома. Вирусот на грипот е мошне заразен и брзо се шири. Не се обидувајте да ја средите ситуацијата со „брзинско“ внесување лекови за што поскоро да се вратите на работа. На тој начин нема да го забрзате оздравувањето, напротив, ќе создадете отпорност на организмот на лекови.
Не се „лепете“ за домашните
Заборавете на гушкањето со партнерот, колку и да ви е потребно. Ако сте веќе дома, одбегнувајте физички контакт со домашните за да не ги заразите. Вирусот живее во ситните капки влака која се издишува со дишењето, како и со кашлање или кивање.
Пуканки и ТВ до доцна во ноќта? Заборавете на ова!
На вашиот имунитет му треба време за да се одбрани. Одморот и добриот сон ќе го зајакнат. Спијте што е можно повеќе за на телото да му овозможите да се опорави.
Спуштање на температурата со ладен туш
Ладната вода всушност ќе ви ја зголеми температурата. Кромидот е најдобар природен лек кој помага во лекувањето на треската и високата температура. Сечкан кромид ставете во чиста крпа и облогите ставете ги на стапалата.
Не кашлајте во дланката
Секако, кашлањето или кивањето во дланка е подобро од испуштањето капки полни со вируси во воздухот. Но после тоа ќе оставите трага од вирусот на се што ќе допрете, а вирусот може да живее со часови на цврсти површини и така потенцијални ги инфицира другите. Затоа кога ќе сакате да кивнете или да кашлате сторете го тоа во хартиено шамиче, што потоа ќе го фрлите.
Обегнувајте простории во кои се пуши
Познато е дека чадот од цигарите ги оштетува белите дробови. Штетата е двојно поголема кога сте болни. Чадот ги иритира белите дробови и сосема е извесно дека ќе ја влоши кашлицата.
