Сталоженоста и менталната сила се повеќе од потребни доблести за да се преживее во ова време во кое мултитаскингот е обавезен, а слободното време е речиси непостоечка категорија. Иако на многумина им делува дека поединци се раѓаат како ментално посилни и постабилни личности, важно е да знаете дека станува збор за вежбање и труд низ најразлични тешки ситуации, со цел да се оспособат и да се носат со различните животни неприлики.
Ментално стабилната личност…
Ги прифаќа предизвиците
За нив предизвиците се можност за успех, а не повод за страв. Ако успешно ја решат дадената ситуација, тие ќе бидат во ќар, а освен успехот ќе им порасне и самодовербата.
Фокус става на ситуациите кои може да ги контролира
Животот е полн со непредвидени ситуации само што ние немаме време да го трошиме на анализа на веројатноста. Затоа стабилните луѓе се потпираат на работите кои се под нивна контрола и во нив го вложуваат својот максимум.
Поставува јасни граници
Дури и тогаш кога е тешко тие ќе кажат не ако е тоа исправно. Иако се грижливи и водат сметка за туѓите чувства и потреби, тие знаат кога себеси мораат да се стават на прво место.
Не живее од минатото
Од минатото научиле кои грешки нема да ги повторуваат, а сега тие времиња се далеку зад нив и немаат време да живеат од сеќавања, сега е време да се ужива во дадениот момент!
Презема одговорност за своите постапки
Свесни се за сите свои грешки и никогаш не бараат вина во другиот. Знаат дека од грешките најдобро се учи и тргнуваат напред кон нови предизвици и успеси.
Доследна е на себеси
Ги знаат своите морални начела и вредности и доволно се храбри во склад со тоа и да живеат. Цврсто се држат до своите ставови, детално ги преиспитуваат и се откажуваат од нив само кога ќе увидат дека грешат.
