Ненадејно изостанување на месечниот циклус, кога не сте бремени, може да биде и момент кога ќе се загрижите, но постојат неколку фактори кои може да бидат причина за тоа.
Прекумерна физичка активност или поголемо намалување на телесната тежина
Ако индексот на телесната маса нагло се спушти под 18 или 19, тоа може да влијае на изостанок на месечниот циклус. Сепак, ова не е строго засновано на индексот на телесната маса. Сериозни заболувања, како што се анорексија и булимија, исто така може да предизвикаат доцнење на менструалниот циклус. Може да биде и последица од прекумерно вежбање.
Стрес
Некоја поголема трагична случка во вашиот живот може да предизвика аменореа на хипоталамусот. Овој посебен дел од мозокот, хипоталамус, всушност е место во кое се регулираат повеќето хормони поврзани за месечниот циклус. Стресот има големо влијание врз хиипоталамусот. Ако се соочите со некој голем животен предизвик, смртен случај во семејството, или стресно случување – тоа може да биде причина за отсуство на месечен циклус.
Негативна работа на штитната жлезда
Сместена во вратот, штитната жлезда го регулира метаболизмот. Покрај тоа, таа управува и со многу други системи во организмот, за се да функционира нормално. Нејзината неправилна работа може да влијае на месечниот циклус.
Синдром на полицистични јајчници
Тоа е хормонска нерамнотежа која се сведува на намалена овулација при што доаѓа до промена на нивото на естроген, прогестерон и тестостерони. Синдром на полицистични јајчници може да предизвика нередовен циклус, но и да доведе до целосно стопирање.
Контрацепциски лекови
Немањето редовен менструален циклус може да биде некоја безопасна нуспојава на мерка која сте ја превземале заради несакана бременост. Со користење на одредени контрацепциски лекови може да дојде до нередовен циклус, па затоа пред да почнете да употребувате вакви медикаменти, потребно е да се консултирате со гинеколог.
Рана менопауза
Најчесто се случува кај жените во триесетите години од животот, а покрај немање циклус, најчести симптоми се бранови, ноќно потење и вагинална сувост. Оваа состојба и не е баш вообичаена, но сепак би било добро да отидете кај матичниот гинеколог, за да ги отстраните сите сомнежи.
