Не убива баш секој срцев удар, но дека остава последици по здравјето тоа е сигурно, како и фактот дека се повеќе луѓе ширум светот секојдневно го доживуваат. Доколку мислите дека со контрола на холестеролот и одбегнување брза храна ќе го намалите ризикот од срцев удар – во заблуда сте! Не е толку едноставно. Иако недостатокот на физичка активност, нездравата храна и позитивната семејна анамнеза ќе влијае на зголемување на ризикот од оваа болест, тоа не се единствените фактори кои треба да ги земете предвид.
Ова се шест изненадувачко необични фактори кои можат да го зголемат ризикот од срцев удар:
Автоимуна болест
Доколку имате некоја автоимуна болест како што е лупус, ревматоиден артритис или псоријазичен артритис, тогаш сте изложени на ризик од срцев напад. Жените кои за време на бременоста ќе развијат некоја автоимуна болест се особено изложени на голем ризик.
Студ
Зимата може да биде мошне опасна по здравјето. Студот може да го зголеми ризикот од срцев удар затоа што кога е ладно телото се обидува да ја задржи топлината и да не дозволува таа да испари од телото. Тоа може да биде причина за срцев напад затоа што крвните садови и артериите се собираат.
Сте почнале со нов начин на вежбање
Сте решиле да се вратите во форма, но мошне е важно како тренирате. Доколку сте навикнале да се излежувате и веднаш почнете со интензивен кардио тренинг ризикувате да ви страда срцето. Подготвувајте се полека и полека влегувајте во форма. Бидејќи доаѓа до зголемување на хормонот на стрес, кој го ремети дотогашниот проток на крвта низ срцето.
Имате рак
Научниците откриле врска меѓу ракот и срцевиот удар, две болести кои убиваат најмногу луѓе. Извесни терапии како што е радијацијата на градите, особено левата страна, го зголемува ризикот од коронарна артериска болест која се смета за опасна затоа што доаѓа до таложење на холестерол во артеријата која носи крв до срцето. Некои од лековите за рак, исто така, го зголемуваат ризикот.
Вдишувате нечист воздух
Смогот може да има големи негативни последици по здравјето вклучително и ризик од срцев удар. Лошиот воздух може да доведе до срцев удар заради воспаление затоа што вдишуваме иритирачки честички од воздухот, па нашето тело мора понапорно да работи.
Грчеви во нозете
Се јавуваат заради повеќе причини, а повеќето од нив се бенигни. Доколку ги чувствувате секогаш кога пешачите, а ви станува подобро веднаш штом ќе седнете можеби патите од состојба која е позната како периферна артериска болест. Во тој случај грчевите ги предизвикува артериосклероза или запушување и стеснување на периферните артерии кои поминуваат низ нозете.
