Некои работи се големи, некои многу мали, но важно е да бидете запознаени со фактите и последиците откако ќе забележите дека менструалниот циклус не оди според планираниот и редовен тек.
Анемични сте
Тешкиот проток кај менструацијата многу е застапен кај жените кои имаат анемија. Симптомите вклучуваат екстремен замор, изгледате поисцрпено од обично, чувствувате вртоглавица и несвестица, а покрај тоа имате и плитко дишење. Секој може да се биде анемичен, но тоа претежно е застапено меѓу вегетаријанците, затоа што еден од главните извори на железо е црвеното месо.
Ако сето ова ви делува познато, внесот на железо исто така може да го зголемите со грав и риба, особено ако веќе сте добиле мнеструален циклус. Ако ни ова не се покаже корисно, посетете лекар за да ви препорача најдобар внес на железо.
Имате проблем со тироидеата
Од друга страна, ако имате лесен проток и многу кратки циклуси, постојат индикации дека имате проблеми со штитната жлезда. Таа му помага на вашето тело да користи енергија и да го контролира метаболизмот. Секако, фактори, како начинот на живот или земање лекови може да влијаат на тоа да имате лесен проток, но тироидеата ги држи под контрола вашите хормони, затоа е можно токму таа да биде повод за сето ова.
Ако се покаже дека освен ова, сте и хиперактивни, лесно губите килограми, или ако чувствувате замор, посетете гинеколог.
Ендометриоза
Ако менструалниот циклус е многу болен и тежок, тоа може да укажува на ендометриоза. Тоа е долгорочна и хронична болест, и не постои волшебен лек за да се излекува. Сепак, постои начин да го намалите сето ова и да ги ублажите симптомите. Закажете преглед кај доктор за да ви предложи опции како да го надминете овој проблем.
Не се храните доволно
Ако држите ригорозни диети или имате помалку од 18 години, вашата менструација може да стане нередовна, а во некои случаи и во потполност да исчезне. Ова може да се случи ако имате многу тешки тренинзи или долго трчате.
Ако една менструција доцни или ја нема, не мора да значи дека секој пат е заради малата килажа, но ако тоа се случи три пати, веројатно сте изгубиле премногу килогррами за краток временски период. За сето ова може да биде виновна неправилната и слаба исхрана, која не може да ги покрие вашите активности. Мора да го зголемите внесот на калории.
Знаци на дијабетес
Подебелите жени кои не добиваат редовно менструација, веројатно имаат дијабетес. Инсулинот влијае на циклусот и на симптомите, а може да биде уште полошо ако не сте знаеле дека сте дијабетичар.
Ако сте болни, тоа ви го зголемува шеќерот во крвта пред циклусот, а сето ова може да се манифестира и преку зголемена жед, често одење во тоалет, глад и замор. Мора да јадете редовно, претежно храна со минимална количина сол, а посоветувајте се и со лекар.
Стресот ве убива
Прва помисла кога нема да добиете менструација е дека сте трудни, но вистината е дека менструацијата може да изостане од разни причини – еден од главните е стресот.
Еден месец без болки и хаос може да биде од клучно значење за вас, но ако пропуштите една менструација, тоа значи дека вашето тело бара малку да сопрете. Не постои прав или крив начин како да се поштедите од стрес, едноставно секој рецепт за смирување е одличен. Само е важно да воочите што ве смирува, па тогаш се ќе си дојде на свое место.
