Ова се шест можни причини за изненадно губење на тежината, кои ги посочуваат стручњаците:
БОЛЕСТ НА ЦРЕВАТА
“Симптомите на болестите на цревата најчесто се намален апетит, мачнина или повраќање, надуеност во стомакот“, вели Кори Фишер, лекар по семејна медицина на клиниката Кливленд.
Некои примери укажуваат и на некои воспалителни болести на цревата како Кронова болеста, улцерозен колитис, целијакија или хронична болест на црниот дроб. Вашиот матичен лекар може да ве упати на гастроентерохепатолог за точна дијагноза.
ХИПЕРТИРЕОЗА
Прекумерно активната жтитна жлезда може да доведе до намалување на килограмите.
“Намалувањето на телесната тежина пред се е последица на зголемената брзина на метаболизмот и забрзаната работа на цревата, што резултира со малапсорпција – синдром на недоволно апсорпција на хранливите состојки“, потеницра интернистот Грег Јун.
Исто така може да имате симптоми како што се замор, ненаспиеност, раздразнетост и потешкотии при регулирање на телесната температура.
ПАРАЗИТИ
Можеби звучи вознемирувачки, но е можно.
“Губењето на телесна тежина обично е последица на малапсорпција и потхранетост оти паразитот всушност ги зема хранливите состојки кои лицето ги внесува. Важно е да се внимава на личната хигиена, затоа редовно мијте ги рацете, а при патувања внимавајте да пиете исправна вода и да јадете правилно обработена храна“, вели д-р Јун.
ДЕПРЕСИЈА И АНКСИОЗНОСТ
“Депресијата често може да доведе до намалување на апетитот. Намалениот внес на калории може да доведе до губење на тежината. Може да постојат и пратечки пореметувања во исхраната, па и тоа треба да се испита. Лекување вклучува мултидисциплинарен пристап“, потенцира интернистот.
ДИЈАБЕТЕС
“Кога во крвта има премногу глукоза, таа не може да влезе во клетките каде служи за производство на енергија. Поради тоа, телото мисли дека е гладно, па се разградуваат мастите, а на крајот и белковините за да се обезбеди потребната енергија“, вели д-р Јун.
Останатите симптоми на дијабетес вклучуваат нагласена жед или мокрење, потење, замор и трнење.
РАК
Според стручњаците, необјанивото намалување на телесната тежина за 10 или повеќе килограми, е еден од најчестите симптоми на рак на панкреасот, желудникот, хранопроводот или белите дробови.
“Вообичаени симптоми кои може да предизвикаат значајно намалување на килограмите се: зголемен замор, губење на апетитот, депресија, болки во стомакот, надуеност, дигестивни пречки, краток здив, промени во навиките на мокрење“, објаснува д-р Јун.
