Дијабетесот е состојба на хронична хипергликемија и се карактеризира со нарушување на метаболизмот на јаглехидратите, протеините и мастите.
Покачениот крвен шеќер може да предизвика разни здравствени проблеми. Без разлика дали сте дијабетичар или не, шеќерот влијае на нервниот систем, органите и крвните садови.
Ова се некои од симптомите кои укажуваат на зголемен шеќер во крвта:
Постојано сте жедни и често мокрите
Бубрезите мора да работат напорно за да успеат да го филтрираат и апсорбираат вишокот на шеќер, но ако не можат да го следат тоа темпо, вишокот шеќер се излачува преку урината. Затоа се јавува зголемена потреба за мокрење. Честото мокрење доведува до дехидрација и поголема потреба за течности. Логично, почестата консумација на течности, исто така, ќе ја зголеми и потребата за мокрење.
Глад
Ако забележувате дека сте многу погладни од порано, можеби се работи за покачен крвен шеќер. Нашето тело ја претвора храната што ја јадеме во гликоза која клетките можат да ја користат како енергија. На клетките им е потребен инсулин за да „донесат“ гликоза. Штом телото нема доволно инсулин или ако клетките не се чувствителни на него, гликозата не може да стигне до клетките и на крај остануваме без енергија. Ова значи дека чувствуваме поголем глад и дека сме поуморни од порано.
Замор
Можеби сте мислеле дека шеќерот ви дава енергија, но може да се случи и сосема спротивна работа – поради прекумерното мокрење, станувате жедни, бидејќи бубрезите не можат да ја апсорбираат глукозата и да создадат енергија. Без енергија, телото се заморува.
Заматување на видот
Поради покачениот шеќер, може да се јави заматување на видот. Иако може да потрае кратко време, најдобро е да се консултирате со лекар
Сува уста
Бидејќи телото користи повеќе течности за уринирање, тоа подразбира помалку вода за останатите органи и потреби на телото. Дехидрацијата предизвикува сувост на устата, а сувоста на кожата предизвикува чешање.
Губење на килограми
Со оглед на тоа дека телото не добива доволно енергија од консумираната храна, тоа ќе почне да ги согорува мускулите и масните наслаги за да го компензира овој недостаток. Ова значи дека можете да ослабете, дури и ако имате вообичаени навики во исхраната или не го менувате нивото на физичка (не) активност.
