Ракот на белите дробови е меѓу најчесто откриените малигни заболувања, кој кај мажите е на прво, а кај жените на трето место според зачестеноста. Кај 25 отсто од пациентите ракот на белите дробови е откриен случајно, на РТГ снимка и на ЦТ. Сепак, оваа опасна болест покажува симптоми кои никој не треба да ги занемарува, особено доколку се упорни и се појавуваат подолг период.
Шест симптоми кои можат да укажат на рак на белите дробови и заради кои би требале да посетите доктор се:
- Долготрајно кашлање– повеќето од пациентите долго време страдале од силно кашлање, понакогаш проследено и со крваво трагови
- Хронични инфекции-најчесто вирусите се причина за инфекции на дишните патишта, но доколку болеста постојано се враќа и секогаш ги напаѓа белите дробови, тоа може да биде симптом на рак
- Губење на тежина-наглото слабеење без промена во исхраната или диета е секогаш симптом на кој треба да обрнеме внимание. Туморот, кој се шири низ телото произведува протеини кои на организмот му даваат знак да губи килограми, што доведува до намалување на тежината
- Болки во коските– ракот на белите дробови кој се проширува на коските може да произведе силна болка на местата зафатени од туморот
- Замор-пациентите болни од карцином во 80 отсто од случаите страдаат од необјаснив замор, што е доволна причина да се јавите на лекар
- Слабост во мускулите– ракот на белите дробови може да шредизвика и болка во мускулите и коските, особено во куковите, што предизвикува тежина во станување од столче, слабост во рамената, рацете и нозете
