Остеоартритис претставува форма на дегенеративни промени и болки во зглобовите предизвикани ос абење и тенчење на градивното ткиво на зглобовите. При стареење, рскавицата која ги обложува зглобовите почнува да се троши, предизвикувајќи коските да се тријат една од друга. Ваквиот притисок на коската доведува до воспаление на зглобовите.
Остеоартритисот најчесто ги погаѓа зглобовите на рацете и нозете, вклучувајќи ги прстите, зглобовите, колената и колковите. Долниот дел на грбот е чест извор на болка предизвикана од остеоартритис.
БОЛКА
Болките се јавуваат во грбот, вратот, колената и колковите. Симптомите во раниот стадиум може да се класифицираат на два различни начини: болка и чувствителност на зглобовите. Може да се почувствува и оштра болка при придвижување на оштетениот зглоб на одреден начин.
ЧУВСТВИТЕЛНОСТ
Чувствителноста на зглобот е нелагода која се чувствува кога се притиска зглобот.Таа може да вклучува и видливо отекување во подрачјето на зглобот, но тоа е почесто во напредната фаза на остеоартритис.
ВКОЧАНЕТОСТ НА ЗГЛОБОВИТЕ
Со болката во зглобовите, доаѓа и вкочанетост. Вкочанетоста е нормална кога ќе се разбудите или ако седите на столица цел ден. Знак на ран остеоартритис претставува и тоа дрвено чувство од кое се чувствувате тромо и бавно. Лицата со артритис често почнуваат да се чувствуваат подобро кога ќе ги загреат зглобовите преку лесно вежбање или дури и обична прошетка.
ЧУДНИ СЕНЗАЦИИ
Рскавицата е замислена како амортизер која помага зглобовите лесно да се движат. Кога рскавицата ќе се истенчи, триењето на коска од коска може да произведе бројни чудни сензации. Пукањето на зглобовите вообичаено е кај лицата со остеоартритис. Тоа е манифестација на коските кои се тријат една од друга. Може да се почувствува или да се слушне како зглобовите кликаат и прават звуци кога се движите.
ГУБЕЊЕ НА ФЛЕКСИБИЛНОСТА
Лицата во рана фаза на остеоартритис може да забележат дека придвижувањето на деловите на телото погодени со артритис не е така лесно како некогаш. Вкочанетоста на зглобовите и болката може да придонесат за губење на флексибилноста, што се нарекува губење на опсегот на движење, кое е степен до кој можете да ги придвижите зглобовите во нива нормална состојба. Губењето на флексибилноста е многу бавен процес.
ПЕРИОДИ НА НЕЛАГОДНОСТ
Болка, чувствителност и вкочанетост на зглобовите имаат тенденција да се јавуваат во многу специфично време во раните фази на остеоартритис и тоа во повеќе фази на физичка активност. Можеби че забележите дека колковите ве болат по тренинг или дека грбот наутро ви е вкочанет. Но, како напредува дегенративниот артритис, можеби ќе имате болни зглобови, па дури и кога сте во состојба на мирување.
