Диеталните влакна се одлични за здравјето, затоа што помагаат во одржувањето на ситоста и превенцијата од срцевите заболувања, дијабетесот и дебелината.
Ова е листа на намирници кои содржат најмногу влакна:
Грав
Исклучително е богат со влакна и се наоѓа на врвот од листата здрави мешунки. На мажите им требаат 38 г влакна дневно, па еден сад грав би требало да ги покрие овие дневни вредности.
Малини
Започнете го денот со филџан слатки малини. Можеби се мали по големина, но затоа се одличен извор на влакна. Еден филџан содржи 8 г! На жените им се потребни 25 г влакна дневно.
Круши
Крушите заедно со јаболката, портокалите и урмите се богати со растворливи влакна. Овој вид влакна помага при намалувањето на холестеролот и ја спречува неговата апсорпција од страна на дигестивниот тракт. Круша со средна големина има околу 5 г влакна. Јадете круши и јаболка нелупени затоа што токму во лушпата има пектин кој е главен извор на влакна.
Артичока
Една артичока со средна големина има дури 10 г влакна!
Бадеми
Меѓу јаткастите плодови бадемите се најбогати со влакна, што ги прави добар избор за меѓуоброк. Дваесетина бадеми содржат околу 3,5 г влакна.
Батат
Бататот не само што изгледа убаво на чинијата, туку и прави чуда за здравјето. Печен батат има скоро 5 г влакна.
