Бета-каротенот е провитамин А кој се трансформира во човековото тело во витамин А. Овој провитамин спаѓа во фамилијата каротеноиди, група на моќни антиоксиданси кои го штитат организмот од негативното влијание на слободните радикали и предвременото стареење. Овој антиоксиданс ја заштитува кожата од штетното ултравиолетово зрачење, ја регенерира и одржува нејзината еластичност и превенира многу видови заболувања како ослабен имунитет, срцеви заболувања, катаракта и карцер.
Бета-каротенот го има во многу видови на овошје и зеленчук, како спанаќот, доматите, марулата, морковите, брокулите, лубеницата, тиквата, кајсиите, дињата, мангото и др.
Предности на бета-каротенот се:
- силни антиоксидантни својства– го зајакнува имунолошкиот систем и го штити телото од штетните слободни радикали
- обезбедува здрава бременост– витаминот А игра важна улога за здрав развој на фетусот и според некои истражувања, бремените жени и жените кои дојат треба да го зголемат внесот на витамин А за дури 90 отсто
- ја заштитува кожата-особено од штетната сончева светлина, од иритации, црвенило и изгореници
- го одржува здравјето на очите– може да ја забави прогресијата на макуларната дегенерација поврзана со стареењето
- помага при орална леукоплакија– истражувања покажале дека 23 од 26 пациенти позитивно одговориле на третманот на орална леукоплакија со бета каротен.
- го подобрува респираторното здравје-луѓето кои јадат овошје и зеленчук најмалку еднаш дневно имаат помалку симптоми кои укажуваат на респираторни проблеми
