Постојат знаци поради кои би требало да се обратите кај лекар:
- Отекување и дебелеење поради насобирање на течности: Ако бубрезите слабо или бавно работат, може да дојде до задршка на течности (отоци и дебелеење)
- Промени во уринирањето: Бубрезите се одговорни за производството на урина и елиминирање на отпадот низ неа.
Промените вклучуваат:
Зачестена потреба за мокрење, особено во текот на ноќта, помеѓу 4 и 10 пати на ден се смета за нормално.
Крв во урината. Здравите бубрези, за производство на урина, филтрираат отпад од крвта. Но, ако филтерот е оштетен, крвните клетки може да се најдат во урината.
Пенеста урина. Меурчињата во урината, особено оние кои бараат неколку пати да пуштите вода, упатуваат дека има присуство на протеин во урината.
- Замор и поспаност: Дел оф функцијата на бубрегот е и да учествува во регулирањето на нивото на хемоглобин. Ако бубрезите не работат како што треба, може да дојде до анемија, а со тоа и до замор и поспаност.
- Губење апетит, мачнина и неспособност за јасно размислување: Тие проблеми може да се јават кога ќе се наталожат отпадни материи и почнуваат да ги трупаат и останатите делови од телото, како желудникот и мозокот.
- Пораст на крвниот притисок: Тоа е маѓепсан круг:кога бубрегот е оштетен, не може ефикасно да го контролира крвниот притисок. Високиот притисок под кој крвта минува низ садовите ги притиска бубрезите и така дополнително ги ослабува, оштетувајќи ги крвните садови во бубрезите.
- Палпитација: Кога оштетувањето на бубрезите довело до преголема концентрација на калиум, можно е да забележите дека срцевиот ритам е неправилен.
