Забавен метаболизам значи дека телото не може доволно ефикасно да ја претвори во енергија храната која ја внесуваме. Следниве шест симптоми може да бидат аларм за разни здравствени тегоби, па така и за тоа дека метаболизмот не работи добро, особено ако ве мачат неколку од нив во исто време.
Многу сте изморени
Многу работи може да бидат причини за замор, како што се недостаток на сон и напорно вежбање. Меѓутоа, ако постојано сте изморени, тоа може да биде аларм за забавен метаболизам, бидејќи телото не може доволно брзо храната која сте ја изеле да ја претвори во енергија.
Кожата и косата наеднаш ви станале суви
Кога метаболизмот не работи добро, телото не може доволно брзо да ги обновува клетките важни за здравјето на кожата и косата, кои стануваат суви. Сувоста на кожата и косата може да укаже и на многу други работи, како лошо варење.
Имате желба за благо и храна богата со скроб
Желбата за одреден вид на храна, често укажува на тоа дека на телото му треба енергија. Ако добро се храните и доволно спиете, но и понатмау чувствувате голема потреба за благо и храна богата со скроб, тоа може да значи дека метаболизмот храната која веќе сте ја изеле не ја преработува добро во енергија која му е потребна на телото.
Се дебелeете иако се храните здраво
Природно е со годините, метаболизмот да се забавува, заради што потешко е да ja одржувате телесната тежина, но ако се храните здраво и внимавате на внесувањето на калории, но и понатаму се дебелеете, многу е веројатно дека станува збор за пребавен метаболизам.
Постојано ви студи
Метаболизмот исто така го снабдува телото со топлина, а ако е бавен последица од тоа ќе биде постојано чувство на студ. Тоа особено ќе го почувствувате навечер, кога во кревет ќе се покриете со неколку ќебиња за да се згреете.
Расположението постојано ви се менува
Постојаното чувство на исцрпеност, бидејќи организмот се мачи за да ја преработи храната, може да резултира со тоа што често ќе бидете раздразливи и постојано ќе ви се менува расположението.
