Стручњаците напоменуваат дека контактот со комарецот мора да трае најмалку шест секунди за да дојде до реакција.
За повеќето луѓе, убодот од комарец значи јадеж и чешање. Нормалната реакција на гризнување од комарец вклучува црвен оток кој чеша и се јавува во рок од неколку минути по убодот и може да се задржи до 10 дена.
“Поизразените симптоми, како топче на кожата и поголем оток укажуваат на поголема локална реакција позната како папуларна уртикарија. Кога луѓето велат дека се алерегични на убод од комарец или некој друг инсект, главно е во прашање посилна локална реакција на која потоа се повикуваат“, објаснуваат лекарите.
За да се воспостави дијагноза на алергија од убод од комарец, лекарот треба да ги земе предвид вашите симптоми, но не постои официјален тест за откривање на ваквиот тип на алергија. Што се однесува до лекувањето, тоа во целост зависи од тоа колку појавените симптоми влијаат на вас. Ако немате видливи пречки, нема причина за лекување. Но, доколку убодот од комарец ви предизвикува проблеми како што се отекување на очните капаци или ако симптомите се непријатни и сте склони кон тешки реакции, лекарот може да се одлучи за терапија со антихистаминици. Тоа може да помогне при отоците и може да го намали ризикот од развој на реакција. Во случај на сериозна системска реакција, лекарот може да препише инјекција адреналин, но тоа се прави во многу ретки случаи.
СИМПТОМИ
Ретка форма на убод од комарец е системска реакција која се јавува во целото тело. Овој вид на животозагрозувачка реакција многу е почеста кај инсектите како што се пчела и оса, но ако почувствувате било кој од следниве симптоми по гризнувањето од комарец, треба да побарате итна помош.
ОСИП
Нагло избивање на бледо црвен осип, кој е испакнат и чеша, а се појавува на подрачјето на убодот или по целото тело може да укажува на алергиска реакција.
ОТОЦИ НА УСТАТА, УСНАТА ШУПЛИНА ИЛИ ГРЛОТО
Било какво отекување во наведеното подрачје, може да биде знак на сериозна алергиска реакција.
МАЧНИНА
Ако почувствувате изненадна мачнина, како да ќе се разболите по убодот, тоа може да биде уште еден симптом на сериозна реакција.
ВРТОГЛАВИЦА
Чувство на замаеност во главата и нестабилност во нозете може да укажува на систмеска алергиска реакција.
ЗГОЛЕМЕНА ТЕЛЕСНА ТЕМПЕРАТУРА
Зголемената температура е знак дека вашето тело се бори против алергија.
ГЛАВОБОЛКА
Сериозна главоболка која нагло се појавува може да значи дека имате алергиска реакција.
