Кај повеќето пациенти заболени од рак на грлото на матката, прв знак на болеста не била чудната болка, туку неуредните ПАП тестови.
“Во раните фази, навистина нема никакви симптоми“, вели доц. Метју Андерсон, гинеколог. Тој додава дека и во овој случај, како и при повеќето типови на рак, важно е раното откривање на болеста. Тој советува секоја жена која ќе наполни 21 година редовно да прави ПАП тест.
Дознајте кои се знаците и симптомите на ракот на грлото на матката.
Абнормално крварење
Необично вагинално крварење е симптом кој најмногу се поврзува со ракот на грлото на матката, вели Џошуа Кохен, гинеколошки онколог на UCLA. Тој додава дека тоа би можело да биде крварење по полов однос или помеѓу ментруални циклуси. Посилни ментруации од вообичаено или крварење по менопауза, според American Cancer Society, исто така се потенцијални знаци на овој вид на рак.
Болка во карлицата
Болката може да биде дифузна или може да се појави во било кој дел во подрачјето на карлицата. Исто така, може да биде во распон од оштра до тапа болка. Ако ваква болка никогаш не сте почувствувале и ако не е поврзана со ментруалниот циклус, посетете лекар, Болка во текот на сексуалниот однос или уринирањето се исти така знаци на предупредување.
Чуден исцедок
Леплив исцедок со лош мирисе исто така потенцијален знак, вели Андерсон. Тој може да биде и водлест, но тој додава дека дека постојат и многу други причини за абнормален вагинален исцедок кои немаат врска со ракот. Не паничете, туку разговарајте со гинеколог.
Хроничен замор
Андерсон вели дека ракот на грлото на матката предизвикува и хроничен замор и тромавост.
“Ова не е прв од симптомите на кои би требало да се реагира, но може да биде присутен. Ако состојбата на хроничен замор не минува, не ја занемарувајте“, вели тој.
Дигестивни проблеми
Често мокрење или чувство како секогаш да морате да одите во тоалет, се исто така симптоми поврзани со оваа болест, вели Кохен. Ако овие, како и сите останати симптоми, не се повлекуваат во рок од една седмица или се влошат, време е за посета на лекар.
Пушач сте (или некогаш сте пушеле)
Да, ова е ризик фактор, а не симптом. Но, пушачите (но, и бившите пушачи) би требало да знаат дека оваа нивна штетна навика, според едно истражување, го дуплира ризикот од болести. Андерсон вели дека сите горе наведени симптоми, ако се предизвикани од рак на грлото на матката, најверојатно ќе се појават во доцните 30., 40., или 50. години.
