Американски истражувачи имаат добри вести: минимална телесна активност може да делува превентивно кога се во прашање цревните полипи. Иако во поголемиот број случаи тие се бенигни, овие израстоци се сметаат за ризик фактор за појава на рак на цревата. Претешките и дебели лица се изложени на зголемен ризик од цревни полипи.
Под телесни активности, според истражувачите, се подразбира дури и тривијална активност како прошетка или качување по скали, бидејќи каква било физичка активност го намалува ризикот, особено кога се овие лица во прашање.
Истражувачите од Центарот за рак Мemorial Sloan-Kettering од Њујорк во својата студија вклучиле речиси илјада пациенти од разни раси и етнички групи. Сите биле средовечни и немале зголемен ризик за развој на полипи или карцином на дебелото црево. Две третини од испитаниците биле со вишок на килограми, а половина од нив вежбале најмалку еден час неделно.
По спроведените колоноскопии, истражувачите утврдиле дека оние лица кои вежбале еден или повеќе часа неделно биле изложени на 26 % ризик од полипи, во однос на 40 % ризик кај лицата кои не биле физички активни.
