Планинарењето и останатите активности во природа се идеална физичка активност за луѓе од секоја возраст, а притоа значително го подобрува расположението, па се препорачува за одржување на целокупната здравствена состојба на човекот.
При пешачењето и физичкиот ангажман организмот почнува да лачи ендорфин – хормон на среќа, додека мозокот добива поголема количина на кислород, па уморот и физичката напнатост исчезнуваат. По само половина час шетање во природа телото се опушта и се ослободува од стресот, се будат позитивни емоции и се подига самодовребата. Овој период од годината е идеален за престој на отворено, особено во утринските и вечерните часови кога температурите се пониски.
