Уште од почетокот на пандемијата со новиот коронавирус, стручњаците ја споменуваат можната врска помеѓу недостатокот на витамин Д и потешката форма на КОВИД-19. Витаминот Д има голема улога во нашиот имунитет и тоа е причината поради која научниците сметаа дека може да постои одредена поврзаност.
Шпански истражувачи од Универзитетот Кантабриа пред два дена објавија студија која дополнително потврдила дека дури 82 проценти од хоспитализираните пациенти со коронавирус имаат недостаток на овој витамин, кој по правило го добиваме при изложување на сонце, но со оглед на фактот дека години наназад се предупредува дека “тоа и не е толку здраво“, поради меланомот, не зачудува дека витаминот Д се почесто е дефицитарен кај луѓето.
Шпанските научници прегледале 216 пациенти заболени од КОВИД-19 во една болница и откриле дека 82 проценти од нив имале недостаток на витаминот Д, а само 18 проценти од хоспитализираните пациенти го имале потребното ниво на сите останати храниливи состојки.
Од следените пациенти со недостаток на витамин Д, 44 од нив биле згрижени во одделот за интензивна нега, бидејќи по извесно време во болницата, состојбата им се влошила, додека 37 завршиле на респиратор. Тоа е причината поради која шпанските стручњаци ги повикуваат граѓаните додека трае пандемијата да земаат дополнителни дози на витамин Д, бидејќи така ги зголемуваат шансите, евентуалната болест КОВИД-19 да биде во поблага форма и дека нема да бидат хоспитализирани.
Ова шпанско истражување е само едно во низата. Неодамна научници од Велика Британија објавија истражување во кое учествувале 5.000 доброволци кои шест месеци земале витамин Д и на кои им се следела здравствената состојба, односно целта била да се види дали така може луѓето да се заштитат од инфекцијата или барем од потешка форма на болеста. Се покажало дека дополнителни дози на витамин Д имаат големи предности и ефекти за здравјето.
“Лекувањето на недостатокот на витамин Д е особено важно кај повозрасните и високоризичните пациенти со хронични боести, како дијабетес“, потеницра д-р Хозе Хернандез од Универзитетот Сантандер.
Лекарите дополнуваат дека постојат бројни докази кои говорат дека витаминот Д е важен во регулирањето и спречувањето на воспалителниот цитокински одговор на респираторните клетки и макрофагот на различните патогени, вклучувајќи ги и респираторните вируси.
