Имено, научниците во истражувањето вклучиле 621 маж со рак на простата, 1205 жени со рак на дојка и 2193 здрави лица без рак. Резултатите од студијата покажале дека луѓето кои вечераат пред 21 часот навечер, односно најмалку два часа пред да заминат за спиење, имаат 20% помала опасност да заболат од рак на дојка или рак на простата. Научниците веруваат дека тоа би можело да има врска со пречките во спиењето, при што не се докрај јасни „механизмите поради кои тоа се случува“, изјавил д-р Манолис Когевинас, главен автор на студијата и научник од Завод за јавно здравство во Шпанија.
Нарушување на природниот циклус на сон и будност
Резултатите од оваа студија се совпаѓаат со веќе познатите резултати од други истражувања. Имено, лицата кои поради некоја причина престануваат со природниот циклус на будност и сон (како на пример, работници во ноќна смена), имаат поголем ризик од заболување од рак.
Сличен ефект би можела да има и вечерата непосредно пред да се замине на спиење. Секако, оваа теза мора дополнително да се испитува во наредните истражувања додека не се донесат конечни заклучоци.
